Մշակույթ

«Պատմամշակութային արգելոց-թանգարանների և պատմական միջավայրի

ավելին

ՑՈՒՑԱՀԱՆԴԵՍ՝ ՀՐԱԶԴԱՆԻ ԵՐԿՐԱԳԻՏԱԿԱՆ ԹԱՆԳԱՐԱՆՈՒՄ
«Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի ՊՄՊ Կոտայքի մարզային ծառայության նախաձեռնությամբ, Հրազդանի երկրագիտական թանգարանում, ապրիլի 18-ին ցուցահանդես է բացվել:
Հուշարձանների և տեսարժան վայրերի միջազգային օրվան նվիրված ցուցահանդեսում ներկայացվել են ֆրանկոֆոն երկրների հուշարձանները պատկերող 52 նկարներ, ՅՈՒՆԵՍԿՕ-ի համաշխարհային ժառանգության ցանկում ընդգրկված հուշարձանների լուսանկարներ:
Միջոցառմանը մասնակից Հրզադանի հանրակրթական թիվ 1 դպրոցի 7-րդ դասարանի աշակերտուհիներից մեկը ներկայացրել է զեկույց՝ աշխարհի լավագույն 11 քանդակների, այդ թվում նաև՝ Գաֆեսջյան հավաքածուի մի աշխատանքի մասին:
Ցուցահանդեսը կգործի մինչև ապրիլի 26-ը:

22 ապրիլի, 12:09

ՆԿԱՐՉԱԿԱՆ ԱՇԽԱՏԱՆՔՆԵՐԻ ՑՈՒՑԱՀԱՆԴԵՍ ՈՒ ԳՈԲԵԼԵՆԱԳՈՐԾՈՒԹՅՈՒՆ՝ «ԳԱՌՆԻ»-ՈՒՄ
«Գառնի» պատմամաշակութային արգելոց-թանգարանի այցելուները այսօր ոչ միայն հուշարձանի գեղեկցությամբ, այլև՝ Գառնի համայնքի գեղարվեստի դպրոցի սաների աշխատանքներով էին հիանում: Դեպի տաճար տանող ճեմուղու երկու հատվածներում՝ 17 ստենդերի վրա օրվա խորհրդին «Գյուղական լանդշաֆտներ»-ին համահունչ նկարչական աշխատանքներ են ցուցադրվել:
7-ից 14 տարեկան դպրոցականների վրձնած կտավներում՝ արև, բնություն ու գյուղական միջավայր է:Գեղարվեստի դպրոցի սաներից մի քանիսն էլ հենց տեղում գոբելեն են գործել: Նախաձեռնությունը հետաքրքրել է հատկապես օտարերկրացի այցելուներին: Իրանի Իսլամական հանրապետությունից ժամանակ զբոսաշրջիկներից մի քանիսը միացել են դպրոցականներին:

22 ապրիլի, 12:07

ՑՈՒՑԱՀԱՆԴԵՍ ՈՒ ՊԱՐԱՅԻՆ ՆԵՐԿԱՅԱՑՈՒՄ՝ «ԶՎԱՐԹՆՈՑ»-ՈՒՄ
«Զվարթնոց» պատմամշակութային արգելոց-թանգարանում ցուցադրություն էր՝ նվիրված ֆրանկոֆոն մշակույթում հայ գործիչների ներդրած ավանդի մասին: «Պահպանության ծառայություն» ՊՈԱԿ-ի և Եղիշե Չարենցի անվան Գրականության և արվեստի թանգարանի համատեղ կազմակերպած ցուցադրությանը ներկայացվել են հայտնի մտավորականների լուսանկարների, ձեռագրերի, գրքերի ձևավորումների, մամուլի հրապարակումների, ազդագրերի կրկնօրինակները: Ցուցադրությունից զատ հետաքրքիր ու հուզումնալից մեկ այլ միջոցառում էր նախատեսված «Զվարթնոց» տաճարի դիմաց: Ֆրանսիական «Մի լքիր ինձ» պարային ներկայացումը հիմնված է հանրահայտ երգի տարբեր մեկնաբանությունների վրա: Ներկայացումը մտորումներ է կյանքի մասին: Սիրո, կարոտի, հիշողության, դավաճանության մասին փոքրիկ պարային պատմությունները ուղեկցվում են պարողների հետ անցկացված անկեղծ հարցազրույցներով, մասնակիցները պատասխանում են պարզ, բայց իրականումո՞րն է կյանքի իմաստը, ինչի՞ց ես վախենում, ո՞րն է ամենաթանկը:

22 ապրիլի, 12:06

Ֆրանկոֆոնիայի միջոցառումների շրջանակում ապրիլի 5-ին, ժամը 16:00-ին, «Զվարթնոց» պատմամշակութային արգելոց-թանգարանում կբացվի «Հայ մտավորականները ֆրանկոֆոն մշակույթում» խորագիրը կրող ցուցադրություն:
«Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի և Եղիշե Չարենցի անվան Գրականության և արվեստի թանգարանի համատեղ կազմակերպած ցուցադրությանը կներկայացվեն հայտնի մտավորականների լուսանկարներ, ձեռագրեր, գրքերի ձևավորումներ, մամուլի հրապարակումներ, ազդագրեր և այլն:
Մասնավորպես՝ Երվանդ Քոչարի գրաֆիկ աշխատանքներից «Անրի Բարբյուսի դիմանկարը», եգիպտահայ նշանավոր ծաղրանկարիչ Ալեքսանդր Սարուխանի «Ընկեր Փանջունի» (Ե. Օտյան, 1938), «Մեծապատիվ մուրացկաններ» (Հակոբ Պարոնյան, 1962) երկերի պատկերազարդումները, Ժանսեմի՝ Ֆրանսիացի հեղինակների գրքերի ձևավորումներից մի քանիսը, Էդգար Շահինի գրաֆիկական արվեստի աշխատանքները։
Կցուցադրվեն նաև՝ Արշակ Չոպանյանի Փարիզում հրատարակած «Անահիտ», «Ապագա» ամսագրերի օրինակները, Ֆարիզում կազմակերպված հանրային համաժողովների, «Անի» հայ արվեստագետների խմբավորման, «Հայ անկախ արվեստագետների միության» ցուցահանդեսների ազդագրերը, հրավիրատոմսեր, Փարիզում հայտնի հայ երաժիշտների, գրողների և մտավորականների լուսանկարներ, ձեռագիր մասունքներ և այլ արժեքավոր փաստաթղթեր։
Նույն օրը՝ ժամը 17:00-ին, «Զվարթնոց» արգելոց-թանգարանի այցելուները կարող են դիտել ֆրանսիական «Մի լքիր ինձ» («Ne me quitte pas») թատերական պար-ներկայացումը՝ Փոքր թատրոնի մասնակցությամբ: Պարային ներկայացումը հիմնված է ֆրանսիական հանրահայտ «Ne me quitte pas» երգի տարբեր մեկնաբանությունների վրա:

28 մարտի, 12:01

ՔԱՅԼԵՐԹ-ՖԼԵՇՄՈԲ
Մարտի 30-ին, ժամը 17:00-ին քայլերթ- ֆլեշմոբ կանցկացվի: «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի աշխատակիցները, ֆրանկոֆոնիայի միջոցառումների շրջանակում, կամավորների՝ ֆրանսիական քոլեջի ուսանողների հետ միասին կքայլեն մայրաքաղաքի գլխավոր փողոցներով: Քայլերթ-ֆլեշմոբի ընթացքում կներկայացվեն ֆրանկոֆոն երկրների հայտնի հուշարձանները: Մասնակիցները կրելու են ֆրանկոֆոն որևէ երկրի պատմամշակութային հուշարձանի պատկերով բաճկոններ:
Միացեք մեր նախաձեռնությանը: Ֆլեշ-մոբը կսկսվի Հանրապետության հրապարակից: Երթուղին հետեւյալն է՝ Հանրապետության հրապարակ, Շառլ Ազնավուրի հրապարակ, Ֆրանսիայի հրապարակ, Ազատության հրապարակ ու վերադարձ՝ Հանրապետության հրապարակ:
Ֆլեշմոբի մասնակիցներին «կուղեկցի» «Երևանյան թմբուկահարներ» խումբը:
Ֆլեշմոբի մասնակիցներին «կուղեկցի» «Երևանյան թմբուկահարներ» խումբը:

27 մարտի, 11:40

ՄԱՐՏ 21-ԻՆ, ԺԱՄԸ 13:00-ԻՆ ԳԱՌՆԻՈՒՄ ԾԻՍԱԿԱՆ ԱՐԱՐՈՂՈՒԹՅՈՒՆ ԵՎ ՏՈՆԱԽՄԲՈՒԹՅՈՒՆ Է
«Արորդիների Ուխտ»-ը և «Պատմական միջավայրի պահպանության ծառայություն» ՊՈԱԿ-ը հրավիրում է մասնակցելու միջոցառմանը: Կնշվի Ամանորն ու Վահագնի ծնունդը: Հեթանոս հայերը առաջնորդվելով արևային օրացույցով՝ գարնանային գիշերահավասարի օրը նշել են գարնան սկիզբը: Արեգ ամսվա Արեգակի օրը նշվել է նաև հաղթանակի աստված Վահագնի ծնունդը: Նրա ծնունդով է սկսվել Նոր տարին:

Մինչ բուն տոնախմբությունը «Արորդիների Ուխտ»-ի ներկայացուցիչները փոքր խմբով արևածագը կդիմավորեն արգելոց-թանգարանի տարածքում:

Տոնական արարողության ամենաուշագրավ մասերից մեկն էլ՝ ծիրանենու զարդարումն է: Հին Հայաստանում այն Կենաց ծառի խորհրդանիշ է եղել: Միջոցառման մասնակիցները ցանկություն կպահեն ու եռագույն ժապավեններով կզարդարեն արգելոց-թանգարանի տարածքում շուրջ 20 տարի առաջ տնկված ծիրանենին:

Միջոցառումը կշարունակվի երաժշտությամբ, Գառնի համայնքի մշակույթի պալատի սաների երգ ու պարի կատարումներով: Ներկաներին կբաժանվեն արևխաչերով տարեհաց ու մեկական ումպ գինի:

19 մարտի, 16:38

ԱՅՍՕՐ ԼՐԱՆՈՒՄ Է «ՄԵԾԱՄՈՐ»-Ի ԹԱՆԳԱՐԱՆԻ ՇԵՆՔԸ ՆԱԽԱԳԾԱԾ ՃԱՐՏԱՐԱՊԵՏ Մ. ՄԱՆՈՒԵԼՅԱՆԻ ԾՆՆԴՅԱՆ 90-ԱՄՅԱԿԸ
Համաշխարհային կարևոր նշանակություն ունեցող Մեծամոր հնավայրի հայտնաբերման, ուսումնասիրության գործում անգնահատելի ավանդ ներդրած վաստակաշատ երկրաբան, հնագիտական պեղումների համաղեկավար Կորյուն Մկրտչյանի առաջարկով Մեծամորում թանգարան ստեղծելու հիմք է դրվել: Շենքի կառուցումը 1968-69 թթ. նախագծել է ՀԽՍՀ վաստակավոր ճարտարապետ Մակաբե Մանուելյանը: Թանգարանի շենքի բացումը տեղի է ունեցել 1970 թ.:Այսօր՝ փետրվարի 28-ին լրանում է անվանի ճարտարապետի ծննդյան 90-ամյակը: «Պահպանության ծառայություն» ՊՈԱԿ-ը առաջիկայում Մ. Մանուելյանի գործունեությանը նվիրված միջոցառում է նախատեսվում անցկացնել «Մեծամոր» պատմահնագիտական արգելոց-թանգարանում:

28 փետրվարի, 16:57