Կրթություն

Սիրելի աշակերտներ, մեր էջի նպատակն է տեղեկացնել ձեզ Հայաստանում առկա ականների վտանգի մասին և պատմել, թե ինչպես կարելի է

ավելին

Սիրելի՛ դասարանցիներ, առաջին անգամ գործարանային արտադրության ականներ են կիրառվել 1904-1905թթ.-ի ռուս-ճապոնական պատերազմի ժամանակ:

11 նոյեմբերի, 14:35

Սիրելի՛ դասարանցիներ, իսկ դուք գիտե՞ք, թե որոնք են ականների վտանգի մասին նախազգուշացնող բնական նշանները: Մենք ձեզ կասենք: Ականների վտանգի մասին նախազգուշացնող բնական նշաններն են՝ բարձր բուսածածկույթը, առատ պտուղներով ծառերն ու անմշակ հողերը, այրված շինություններն ու պայթած տեխնիկան: Եթե հանդիպում եք նման երևույթների, զգուշացեք, հնարավոր է, որ տարածքում ականներ կան, այդ իսկ պատճառով ոչ ոք նշված հատված ոտք չի դնում:

11 նոյեմբերի, 14:31

Սիրելի՛ դասարանցիներ, սա կասետային զինամթերք է: Պարունակում է փոքր չափերի ականներ, ռումբեր, ասեղի
կամ գնդիկների տեսքով մասնիկներ: Դրանք դուրս են շպրտվում օդուժից և քաոտիկ կերպով ցած թափվում: Ահռելի վտանգ են ներկայացնում:

11 նոյեմբերի, 11:54

Սիրելի՛ դասարանցիներ, հետաքրքիր է իմանալ, որ ներկայիս տեսքով ականի գծագրի հեղինակը Լեոնարդո դա Վինչին է:

06 նոյեմբերի, 12:33

Սիրելի՛ դասարանցիներ, հակատանկային ականները պայթում են՝ դրանց վրայով շարժական տեխնիկա անցնելու դեպքում:

24 հոկտեմբերի, 15:53

Սիրելի՛ դասարանցիներ, հիշե՛ք, որ անվտանգության լուրջ սպառնալիքներ են հակահետևակային ականները, հակատանկային ականները, չպայթած, լքված զինամթերքը, ինքնաշեն պայթուցիկ սարքերը:

24 հոկտեմբերի, 15:47

Սիրելի՛ դասարանցիներ, շարունակում ենք ականների վտանգի վերաբերյալ տեղեկություններ ներկայացնել. աշխարհում յուրաքանչյուր 30 րոպեն մեկ ականից 1 մարդ է տուժում: Տուժածների 30 տոկոսը կազմում են երեխաները:

24 հոկտեմբերի, 12:51

Լուսանկարի երեխաներն այլևս չեն տուժի ականների պայթյուններից։ Սիրիայի Ալ Հուսեյնիա բնակավայրի դպրոցականներն այս կերպ շնորհակալություն են հայտնում հայ սակրավորներին՝ դպրոց տանող ճանապարհն անվտանգ դարձնելու համար։

07 հոկտեմբերի, 12:46

«Հումանիտար ականազերծման և փորձագիտական կենտրոն»-ի Ականների վտանգի իրազեկման և տուժածների աջակցության բաժնի մասնագետները սեպտեմբերին ականների վտանգի իրազեկման դասընթացներ են անցկացրել Երևանի Ա. Հովհաննիսյանի անվան թիվ 194, Գոգոլի անվան թիվ 35, Ալ. Շիրվանզադեի անվան թիվ 21, Հայ-Արգենտինյան թիվ 76 հիմնական դպրոցներում, ինչպես նաև Մանուկ Աբեղյանի անվան, թիվ 127 և թիվ 54 ավագ դպրոցներում: Նույն ամսվա ընթացքում «Հումանիտար ականազերծման և փորձագիտական կենտրոն»-ի մասնագետները սեմինարներ են կազմակերպել նաև Արագածոտնի մարզի Օշականի Մեսրոպ Մաշտոցի անվան միջնակարգ, Օշականի Փայլակ Բաբկենյանի անվան հիմնական, Սասունիկի Գևորգ Չաուշի անվան և Ոսկեվազի միջնակարգ դպրոցներում: Ընդհանուր առմամբ դասընթացներին ավելի քան 2500 աշակերտ է մասնակցել: Նրանք արդեն տիրապետում են անվտանգ վարքագծի կանոններին:

03 հոկտեմբերի, 12:25

Սիրելի՛ դասարանցիներ, ՀՀ-ում ականների վտանգի հարևանությամբ շուրջ 35 հազար մարդ է ապրում: Մեր երկրում ավելի քան 700 քաղաքացի է տուժել տարբեր տարիների ընթացքում ականների պայթյունների հետևանքով:

02 հոկտեմբերի, 12:19