ԱՎ. ԻՍԱՀԱԿՅԱՆԻ ՏՈՒՆ-ԹԱՆԳԱՐԱՆ

Սիրելի՛ այցելուներ,

Ավետիք Իսահակյանի տուն-թանգարանը 2020 թվականին կրկին սիրով սպասում է բոլորիդ՝ ներկայանալով հետաքրքիր ու բազմաբովանդակ նոր ծրագրերով, նորագույն տեխնոլոգիաներով հարստացված ցուցադրությամբ...
Հասցե՝ Զարոբյան 20 , հեռ.՝ 010-58-73-80, 010-56-24-24

10 հունվարի, 11:47

ԱՎ. ԻՍԱՀԱԿՅԱՆԻ ՏՈՒՆ-ԹԱՆԳԱՐԱՆ
Ամանորի ուրախ հանդես Վարպետի տանը

Սիրելի՛ պստիկներ և մեծիկներ
Գիտե՞ք արդյոք, որ շուտով Վարպետի տանը Ամանորի հեքիաթն է հյուր գալու՝ տիկնիկներով, ձեր սիրելի հեքիաթների հերոսներով, տոնածառով, ուրախ երգ ու պարով:
Ցանկանու՞մ եք մասնակցել տոնական այդ հրաշքին: Դե, իհարկե, ցանկանում եք: Եվ այդ հեքիաթը ձեզ նվիրելու է «Վասպուրիկ» մարիոնետների մանկական թատրոնը:
Կհանդիպենք դեկտեմբերի 24-ին, ժամը՝ 16:00-ին, ինչպես միշտ՝ Ավ. Իսահակյանի տուն-թանգարանում:
Մուտքը՝ թանգարանի տոմսով:
Հասցե՝ Զարոբյան 20 , հեռ.՝ 010-58-73-80, 010-56-24-24

20 դեկտեմբերի 2019, 15:07

Գրականության և արվեստի թանգարան

Դեկտեմբերի 19-ին, ժամը 15:00-ին Գրականության և արվեստի թանգարանը իր փոքրիկ այցելուներին հրավիրում է մասնակցելու «Տոնածառի խաղալիքներ՝ Ձմեռ պապիկից» ամանորյա միջոցառմանը:

Երեխաները կհանդիպեն Ձմեռ պապին, նրան կփոխանցեն նախապես գրված նամակները, կպատմեն իրենց ամանորյա երազանքների մասին, ինչպես նաև նվեր կստանան հայկական մուլտհերոսների կերպարներով տոնածառի խաղալիքներ, որոնք միասին կգունավորենք թանգարանում: Միջոցառումը, իհարկե, համեմված կլինի ամանորյա երգ-երաժշտությամբ:

Մասնակցությունը՝ նախնական գրանցմամբ: Տոմսի արժեքը 1000 դրամ է:
Գրանցման և տեղեկությունների համար զանգահարել հետևյալ հեռախոսահամարներով՝ 055 80 81 15 /Անի/:

Հասցե՝ Արամի 1

17 դեկտեմբերի 2019, 10:58

ԱՎ. ԻՍԱՀԱԿՅԱՆԻ ՏՈՒՆ-ԹԱՆԳԱՐԱՆ
Ի՞նչ է ասում առակը

ԱՎԵՏԻՔ ԻՍԱՀԱԿՅԱՆԻ ՏՈՒՆ- ԹԱՆԳԱՐԱՆՈՒՄ, ամեն օր,բացի երկուշաբթիից, ժամը 10:30-ից մինչև 16:00-ն գործում են հետաքրքիր կրթական ծրագրեր:
Ինտերակտիվ միջավայրում երեխաները ծանոթանում են ժողովրդական իմաստություններին, սովորում են, թե ինչ է «պատմում» առակը: Խաղերի և երեխաների ստեղծած մուլտֆիլմերի օգնությամբ ծանոթանում, քննարկում են Իսահակյանի առակները և կազմում են գիրք:
2-6-րդ դասարանի աշակերտների համար
Սիրով հրավիրում ենք
Մանրանասների համար զանգահարել՝ 58-73-80:
56-24-24 հեռախոսահամարներով:

14 դեկտեմբերի 2019, 11:40

ԱՎ ԻՍԱՀԱԿՅԱՆԻ ՏՈՒՆ-ԹԱՆԳԱՐԱՆ

«Աբու-Լալա Մահարի» 110
Պոեմի ստեղծման կարևոր իրադարձությունը արժևորելու, հանրահռչակելու նպատակով թանգարանում կազմակերպվել են տարաբնույթ միջոցառումներ, ինչպես նաև ժամանակավոր ցուցադրություն, որտեղ ներկայացված են մեր անվանի գեղանկարիչների ՝ Մ. Սարյանի, Հր. Ռուխկյանի, Հ. Մամյանի, Ա. Չիլինգարյանի , Ռ. Աթոյանի ՝ պոեմի թեմաներով արված ստեղծագործությունները, ինչպես նաև պոեմի՝ աշխարհի տարբեր լեզուներով թարգմանված գրքեր, ձեռագրեր , լուսանկարներ և անձնական իրեր: Այցելուները մեծ հետաքրքրությամբ են դիտում ցուցադրված նյութերը:
Ցուցադրությունը կտևի մեկ ամիս:
#ԱբուԼալաՄահարի110

30 նոյեմբերի 2019, 12:56

ԱՎ ԻՍԱՀԱԿՅԱՆԻ ՏՈՒՆ-ԹԱՆԳԱՐԱՆ

Աշո’ւն է, քամի…
Տերևներն մի-մի,
Արցունքի նման
Դողացին, ընկան…
Փչում է, ասես,
Ունայնության պես,
Քամին ամեհի
Ճամփում ամայի:
Սմքել է հոգիս
Մռայլ գիշերիս, –
Չգիտեմ մահից,
Թե՞ կյանքի ահից…
Եվ դեղին փոշին
Ելնում է իմ հին
Ապրած օրերից,
Եվ ծածկում է ինձ…
1913
Կոլոնժ

30 նոյեմբերի 2019, 12:53

ԱՎ ԻՍԱՀԱԿՅԱՆԻ ՏՈՒՆ-ԹԱՆԳԱՐԱՆ

« Մարդն է բնության իմաստը, և գեղեցիկն է ճշմարտության թագը, կատարը.. »։

Ավետիք Իսահակյան

12 նոյեմբերի 2019, 12:11

Արամ Խաչատրյանի տուն-թանգարան

ՀԱՅՏԱՐԱՐՈՒԹՅՈՒՆ
Արամ Խաչատրյանի տուն-թանգարանը և «ԶԱՐԴ» մշակութային ՀԿ-ն հայտարարում է ընդունելություն նոր կազմակերպվող սիրողական մանկական երգչախմբի համար:
Երգչախմբի անդամ կարող են դառնալ հանրակրթական դպրոցների 10-14 տարեկան աշակերտները՝ նախընտրական փուլն անցնելուց հետո:
Երգչախումբը գործելու է 2020թվականի հունվարից:
Պարապմունքներն անց են կացվելու Արամ Խաչատրյանի տուն-թանգարանում, շաբաթական 2 անգամ, անվճար հիմունքներով:
Ցանկացողները կարող են դիմել՝
Հասցե՝ ք.Երևան, Զարոբյան 3,
Արամ Խաչատրյանի տուն-թանգարան
Հեռ. (37410) 589418, (37410) 52 26 91
Հայտերն ընդունվում են մինչև 2019թվականի դեկտեմբերի 20-ը:

08 նոյեմբերի 2019, 11:11

ԱՎ ԻՍԱՀԱԿՅԱՆԻ ՏՈՒՆ-ԹԱՆԳԱՐԱՆ

Այսօր Վարպետի ծննդյան օրն է...

« …Առայժմ խորհում եմ Քուչակի և Իսահակյանի մասին. երկուսն էլ գերել են ինձ:
Ես սիրեցի Իսահակյանին քնքշորեն:
…Իսահակյանը առաջնակարգ բանաստեղծ է, թերևս այժմ այդպիսի պայծառ ու անմիջական տաղանդ չկա ողջ Եվրոպայում»:
Ալեքսանդր Բլոկ

#Իսահակյան_144

30 հոկտեմբերի 2019, 14:21

ԱՎ ԻՍԱՀԱԿՅԱՆԻ ՏՈՒՆ-ԹԱՆԳԱՐԱՆ

Այսօր Վարպետի ծննդյան օրն է...

«Ծնվում ենք ակամա, ապրում ենք զարմացած, մեռնում ենք կարոտով...»

Ավետիք Իսահակյան, «Սաադիի վերջին գարունը»
Նկարի հեղինակ՝ Մարտիրոս Սարյան
#Իսահակյան_144

30 հոկտեմբերի 2019, 14:20