Մարդու իրական տարիքը չի համապատասխանում կենսաբանականին

Չափում ենք անոթազարկը

Ձեր խնդիրն է չափել անոթազարկը հանգիստ վիճակում, այնուհետև կատարել 30 կքանստում և կրկին չափել: Եթե տարբերությունը կազմում է 10 զարկ, ապա կենսաբանորեն 20 տարեկան եք, 10-20 հարված՝ 30 տ., 20-30՝ 40տ., 30-40՝ 50տ., 40՝ 60տ.:

 

Ստուգում ենք հոդերը

Ձեռքերը հետ տարեք և միացրեք թիակների մակարդակին, եթե հեշտ ստացվեց, ապա 20 տարեկան եք, հաջողվեց միայն մատները հպել՝ 30, չհաջողվեց նույնիսկ հպվել՝ 40, չկարողացաք ձեռքերը հետ տանել դեպի մեջք, ապա 60 տարեկան եք:

 

Ստուգում ենք ճկունությունը

Կանգնեք ուղիղ, ոտքերը մի փոքր ծալեք ծնկների հատվածում և փորձեք դիպչել հատակին: Ափերն ամբողջությամբ հպվում են հատակին, ապա 20 տարեկան եք, միայն մատներն են դիպչում հատակին՝ 30-40, հաջողվեց հասնել սրունքին՝ 40, հասաք միայն ծնկներին՝  60 և ավելի:

 

Ստուգում ենք հավասարակշռությունը

Փակեք աչքերը, կանգնեք ձախ ոտքին, ձեռքերը դրեք իրանին և հաշվեք՝ քանի վայրկյան կդիմանաք այս դիրքում, եթե 30 վրկ և ավելի 20 տարեկան եք, 20 վրկ.՝  40,15վրկ.՝ 50,10վրկ.՝ 60:

 

Ստուգում ենք մաշկային ծածկույթների վիճակը

Հայտնի է, որ առավել երիտասարդ մաշկը կոլագենային թելերի հաշվին արագ է վերականգնվում: Պարզապես սեղմեք ափի հետին մակերեսի մաշկը 5 վայրկյան շարունակ և բաց թողելուց հետո հաշվեք՝ որքան ժամանակում է վերադառնում բնական գույնը՝ 5 վրկ.՝  30 և փոքր, 8 վրկ.-ից ավելի՝ 40,10 վրկ.-ից ավելի՝  50,15 վրկ.-ից ավելի՝ 60: