Սթրեսը հաղթահարելու մի քանի կանոն

Մի´ խնայեք ձեր ժպիտը

Բավական է շուրթերի անկյունները մի քիչ վեր բարձրանան, ուղեղին կհասնի ռեֆլեկտորային ազդակը`   կյանքը հիասքանչ է: Կատարեք ամենապարզ հակասթրեսային վարժությունը. փակեք աչքերն ու ժպտացեք 5-10 րոպե, կրկնեք կախարդական արտահայտությունը`   «Ամեն ինչ լավ է»: 

 

Լա´ց եղեք ու թեթևացեք

Արցունքները շատ հուսալի դեղամիջոց են սթրեսի դեմ: 

 

Ակա´նջ դրեք ձեր ներքին ձայնին

Անհաջողության շրջանը լավ առիթ է մտքիդ եկածն անելու համար: Գուցե ինչ-որ ժամանակ ցանկացել եք սիրած գործով զբաղվել, բայց ոչ մի կերպ ժամանակ չեք գտել: Ժամանակն է, որ ուղղեք այդ սխալը: 

 

«Ցասման նետեր» արձակեք

Հին եգիպտացիներն ափից դուրս եկած ժամանակ կոտրում էին ձեռքն ընկած կավե ամանները, իսկ հռոմեացիները գնում էին նետ ու աղեղ արձակելու: Այժմ հոգեբանները խորհուրդ են տալիս զայրույթից ձերբազատվել պատին ամրացված որևէ թիրախի վրա փոքրիկ նետեր նետելով:  

 

Մի´ ամաչեք արտահայտել սեփական կարծիքը

Հոգու խորքում տանջվելը վնասակար է առողջության համար: Եթե անգամ չեք կարողանում բարձրաձայն արտահայտվել, գրեք որևէ նոթատետրում: Ամերիկացի գիտնականները վստահ են, որ նման նոթատետր ունենալն արդյունավետ միջոց է սթրեսից ազատվելու համար: 

 

Թո´ղ Ձեր մտքում իշխեն դրական զգացումներ

Մտածեք այն բաների մասին, ինչ ունեք: Մի´ մտահոգվեք կորցրածի համար: Հիշեք, եթե որևէ տեղ որևէ բան պակասել է, ուրեմն մեկ այլ տեղ որևէ բան ավելացել է:

 

Գիտակցե´ք ձեր հնարավորությունների սահմանը

Մի´ ձգտեք կատարելության: Նյարդային սթրեսից ավելի շատ տառապում են մաքսիմալիստները:

 

Մի´ ապացուցեք ձեր ճշմարտացիությունը

Մի´ փորձեք շրջապատին ապացուցել ձեր իրավացիությունը, եթե նույնիսկ վստահ եք, որ ճշմարիտ եք:

 

Սովորե´ք իրապես գնահատել Ձեզ

Կարողացեք գնահատել ձեզ, ձեր ունեցածը. դա է կյանքի գլխավոր իմաստությունը:

 

«Լվացե´ք» սթրեսը ծորակի ջրով

Ոչ մի միջոց այդքան շուտ չի կարող «լվանալ» սթրեսը, որքան ջուրը: Տաք լոգանք ընդունեք կամ կանգնեք ցնցուղի տակ:

 

Աշխատեք կախվածության մեջ չլինել շրջապատից

Որքան շատ եք հաշվի առնում շրջապատի մարդկանց կարծիքը, այնքան խոցելի եք դառնում: Սովորեք գնահատել ձեր սեփական կարծիքն ու ինքնուրույն ելք գտնել ստեղծված իրավիճակից:

 

Աղբյուրը`   armenianportal.com