Բաստիլի գրավման օր (Ֆրանսիա)

Ամրոցը կառուցվել է 1370-1382թթ. Փարիզի հյուսիսային մատույցներում՝ Սենտ-Անտուան դարպասների մոտ, ունեցել է 8 քարե բարձր աշտարակ, 30 մետրանոց ատամնավոր պատեր, շուրջը եղել է խոր խանդակ՝ շղթայավոր ամբարձիկ կամրջով:

 

Ամրոցը կառուցվել է մայրաքաղաքի մատույցները պաշտպանելու համար, սակայն 15-րդ դարից այն վերածվել է պետական բանտի: Բաստիլի գրավումով սկսվել է Ֆրանսիական մեծ հեղափոխությունը:

 

1791թ. հիմնահատակ կործանվել է ֆրանսիական բացարձակ միապետության խորհրդանիշ համարվող ամրոցը: 1989թ. ոչ միայն Ֆրանսիան, այլև ամբողջ աշխարհը նշել է Ֆրանսիական մեծ հեղափոխության 200-ամյակը, որը նոր դարաշրջան է բացել թե´ ֆրանսիացիների, թե´ համայն մարդկության պատմության մեջ:

 

Աղբյուրը`   Encyclopedia.am