Ականջի հիգիենայի վտանգները

Վաղուց հայտնի է, որ օրգանիզմում նաև օգտակար մանրէներ կան, իսկ օճառով հաճախակի լվացվելը կարող է մաշկի չորության ու գրգռվածության հանգեցնել և «մաքրության» հետևանքով հիվանդածին մանրէների հետ միասին վերացնել նաև օգտակարը:

 

Ըստ որում՝ վնասվելու ամենամեծ հավանականությունն ունեն ականջները: Մենք ամեն օր ջանադրաբար մաքրում ենք ականջներն ու միաժամանակ վնասում դրանք: Երբեմն նման գործողությունների պատճառով վնասվում է անգամ թմբկաթաղանթը:  

 

Բանն այն է, որ լսանցքն ունի ծալքեր ու ոսկրի հատվածն էլ լսանցքի մոտ նեղանում է: Մաշկն ականջի ներսում շատ նուրբ է`   0,1 մմ, ուստի այն վնասելն առանձնապես դժվար չէ նույնիսկ բամբակյա փայտիկով:

 

Բացի այդ, մեծ է հավանականությունը, որ այդ փայտիկով ականջի ծծմբական արտադրությունը դուրս բերելու փոխարեն այն ավելի խորը մղվի: Ի դեպ, ծծումբն ականջի խորքում չի առաջանում, այլ ամենասկզբում:

 

Դա կեղտոտ գոյացություն չէ, այլ օրգանիզմի նորմալ գործունեության արգասիք: Եթե այն Ձեզ չի անհանգստացնում, ապա հանգիստ թողեք ականջը. այն ինքնամաքրվող օրգան է: Կարևոր է նաև ականջը ջրից պաշտպանելը: 

 

Աղբյուրը`   Ankakh.com