Վարդենիս

Երկիր`   Հայաստան
Մարզ`   Գեղարքունիք
Այլ անվանումներ`   Վասակաշեն
Բարձրություն ծովի մակարդակից`   1940—2000 մ
Խոսվող լեզուներ`   hայերեն
Բնակչություն`   12 753 մարդ (2001)
Ազգային կազմ`   hայեր
Կրոնական կազմ`   Հայ Առաքելական եկեղեցի
Տեղաբնականուն`   վարդենիսցի
Հեռախոսային կոդ`   +374 (269)
Փոստային ինդեքսներ`   1601—1603

Վարդենիս քաղաքը գտնվում է նախկին Վարդենիսի շրջանի աշխարհագրական կենտրոնում, Հանրապետության մայրաքաղաքից 170 կմ, մարզկենտրոնից 75 կմ հեռավորության վրա, Սևանա Լճի հարավ-արևելյան կողմում:

Համայնքի վարաչական տարածքը կազմում է 3825.6 հա, որից քաղաքի տարածքը` 852.8հա: Ծովի մակերևույթից 2006 մ բարձրության վրա գտնվող բնակավայրի տարածքի կլիման խիստ է` հունվարի միջին ջերմաստիճան -60C, ձմռան տևողությունը` 6 ամիս է: Տարեկան տեղումների քանակը կազմում է 400-500մմ:

Վարդենիսը Հայաստան աշխարհի հնագույն բնակավայրերից է: Այն եղել է Մեծ Հայքի Սյունիք նահանգի Սոթք գավառի կազմում: Համայնքի նախկին անվանումները` Վասակաշեն, Ոսկեշեն, Բասարգեչար, իսկ 1969թ-ից թուրքական դրոշմը կրող շենը անվանվեց Վարդենիս:

1930թ. կազմավորվել է Վարդենիսի շրջանը, որի վարչական կենտրոնը մինչև 1996թ. եղել է ավան Վարդենիսը, այժմ` քաղաք Վարդենիսը:

Տնտեսական ներուժի անկումը, ֆինանսական միջոցների բացակայությունը, պատերազմական գործողությունների հասցրած վնասները, աշխատատեղերի քանակի նվազումը նպաստել է բնակչության թվի նվազմանը:

Վարդենիս քաղաքում բնակվում են մոտ 700 բռնագաղթվածներ: Բնակչության զբաղվածության հիմնական ոլորտներն են` առևտուրը և սպասարկումները: Ցածր է բնակչության կենսամակարդակը և վճարունակությունը:

Գործում են նաև Վ. Համբարձումյանի անվան Մանկավարժական ինստիտուտը և Պետական մանկավարժական քոլեջը: