Տրավերտին

Տրավերտինը մաքուր, անմշակ վիճակում սպիտակ է: Հաճախ են հանդիպում փղոսկրագույն, կաթնագույն, ընկուզագույն, ոսկեգույն երանգներ, ինչը պայմանավորված է քարում առկա երկաթի կամ այլ ուրիշ օրգանական միացությունների պարունակությամբ:

 

Տրավերտինը պարունակում է բույսերի հետքեր և առանձնանում է քիչ խտությամբ ու արտահայտիչ ծակոտկենությամբ, այդ իսկ պատճառով հեշտ է ենթարկվում վերամշակման, իսկ նրանից պատրաստված յուրաքանչյուր արտադրանք թեթև քաշ է ունենում։ Այն հեշտ է փայլեցվում, ստանում հարթ և փայլուն մակերես։ Փայլեցման ընթացքում կարելի է ստանալ տրավերտինի տարբեր երանգներ։

 

Տրավերտինն ավելի քան հազար տարի կիրառվում է շինարարության և ճարտարապետության մեջ որպես շինարարական, դեկորատիվ, երեսպատման նյութ, այսօր էլ այն ամենաշատ օգտագործվող քարն է ժամանակակից ճարտարապետության մեջ։