Հակադեպրեսանտներն արագացնում են ուղեղի վնասված բջիջների աճը

Դոկտոր Ջեյսոն Խուանգը և նրա գործընկերները հետազոտություն են նախաձեռնել այն բանից  հետո, երբ նկատել են, որ հակադեպրեսանտներ ստացող հիվանդներն ավելի արագ են առողջացել, քան նրանք, ովքեր չեն ընդունել: Միայն նրանց դեպրեսիան չէ, որ թուլացել է, նրանց հիշողությունը ևս լավացել է:

 

Մեկ այլ խմբի հետազոտությունը կենդանիների վրա ցույց է տվել, որ հակադեպրեսանտներն օգնում են ստեղծել և պահպանել ուղեղի նոր բջիջները: Այս գիտական աշխատանքի փորձը խթան եղավ դոկտոր Խուանգի համար՝ հետազոտելու հակադեպրեսանտ իմիպրամինի գործունեությունը լաբորատոր մկների վրա:

 

Գիտնականները բացահայտեցին, որ իմիպրամինը շատացրել է նեյրոնների քանակությունն ուղեղի այն հատվածում, որը պատասխանատու է հիշողության համար: Մկները, որոնց բուժել են իմիրամինով, միջինում 70% ավելի շատ նեյրոն ունեին չորս շաբաթ անց, քան այն մկները, որոնք դեղամիջոց չէին ստացել: