Մանկական գրքի միջազգային օր

Օրը նշվում է նաև Հայստանում: Մի քանի տարի շարունակ ապրիլի սկիզբը նշանավորվում է մանկապատանեկան գրքի շաբաթով:

Ամեն տարի որոշվում է տոնի թեման, հրավիրվում է հայտնի հեղինակ, որպեսզի մաղթանք գրի աշխարհի երեխաներին: Հրավիրվում է նաև նկարիչ, որպեսզի նկարազարդի մանկական գրքի միջազգային օրվա պաստառը:

Այդ օրը միջոցառման կազմակերպիչները քարոզում են մանկական գրականության կարևորագույն դերը նոր սերնդի հոգևոր ու մտավոր զարգացման գործում:

Չէ՞ որ  գրքերի շնորհիվ մենք նորանոր աշխարհներ ենք բացահայտում, սովորում ենք խոսել ճիշտ և գրագետ, կարողանում ենք արտահայտել մեր մտքերն առանց կաշկանդվելու, և, ի վերջո, գիրք ընթերցելը պարզապես հաճույք է:

Գրքում են ապրում ամենագունավոր մտքերն ու ամենահեքիաթային պատկերները, այն մեր մտերիմ ընկերն է, որը երբեք ոչինչ չի պահանջում, մինչդեռ տալիս է ամեն ինչ և օգնում գտնել մեզ հետաքրքրող շատ հարցերի պատասխանները: