ՀԱՊԿ

Հինգ տարի անց, 1999թ. ապրիլի 20-ին Հայաստանի, Ռուսաստանի, Բելառուսի, Ղազախստանի, Ղրղըզստանի եւ Տաջիկստանի նախագահներն արձանագրություն են ստորագրում պայմանագրի գործողությունը եւս 5 տարով երկարաձգելու մասին, սակայն Ադրբեջանը, Վրաստանը եւ Ուզբեկստանը հրաժարվում են երկարաձգել պայմանագիրը:

 

2002թ. մաիսի 14-ին մոսկովյան նստաշրջանի ժամանակ որոշվում է ՀԱՊ-ը վերածել լիարժեք միջազգային կազմակերպության`   Հավաքական անվտանգության պայմանագրի կազմակերպության (ՀԱՊԿ): Մի քանի ամիս անց ստորագրվում են կազմակերպության Կանոնադրությունը եւ ՀԱՊԿ իրավական կարգավիճակի մասին համաձայնագիրը, որոնք, բոլոր անդամ-պետությունների կողմից վավերացվելուց հետո, ուժի մեջ են մտնում 2003թ. սեպտեմբերի 18-ին:

ՀԱՊԿ խնդիրներն են`   պաշտպանել անդամ-երկրների տարածքային-տնտեսական տարածությունը բանակների եւ օժանդակ ստորաբաժանումների համատեղ ջանքերով ցանկացած արտաքին ռազմաքաղաքական ագրեսորներից, միջազգային ահաբեկիչներից, ինչպես նաեւ խոշոր չափերի բնական աղետներից:

     

2004թ. դեկտեմբերի 2-ին ՄԱԿ-ի Գլխավոր Ասամբլեան բանաձեւ է ընդունում Գլխավոր Ասամբլեայում ՀԱՊԿ-ին դիտորդի կարգավիճակ տալու վերաբերյալ:

2006թ. օգոստոսի 16-ին Սոչիում որոշում է ստորագրվում Ուզբեկստանի`   ՀԱՊԿ-ի անդամության վերականգնման մասին:

2009թ. փետրվարի 4-ին, երբ ՀԱՊԿ նախագահող երկիրն էր Հայաստանը, Մոսկվայում ՀԱՊԿ պետությունների ղեկավարները հավանության են արժանացնում Արագ արձագանքման հավաքական ուժերի ստեղծումը: Այս ուժերը կօգտագործվեն ռազմական ագրեսիան հետ մղելու, միջազգային ահաբեկչության եւ ծայրահեղականության, տրանսազգային կազմակերպված հանցավորության, նարկոթրաֆիքի դեմ պայքարում հատուկ գործողություններ անցկացնելու, ինչպես նաեւ արտակարգ իրավիճակների հետեւանքները վերացնելու համար:

     

2009թ. ապրիլի 3-ին ՀԱՊԿ քարտուղարության ներկայացուցիչը հայտարարում է, որ հեռանկարում Իրանը կարող է ՀԱՊԿ-ում դիտորդ-երկրի կարգավիճակ ստանալ:

2009թ. հոկտեմբերին Ղազախստանում անցկացվում են ՀԱՊԿ արագ արձագանքման ուժերի զորավարժությունները:

ՀԱՊԿ շրջանակներում գործում են հետեւյալ մարմինները. Արտգործնախարարների խորհուրդ, Պաշտպանության նախարարների խորհուրդ, Անվտանգության խորհրդի քարտուղարների կոմիտե, ՀԱՊԿ միացյալ շտաբ, կազմակերպության քարտուղարություն:

     

ՀԱՊԿ գերագույն մարմինն է հանդիսանում Հավաքական անվտանգության խորհուրդը: Կազմակերպության գլխավոր քարտուղարը նրա բարձրագույն վարչական պաշտոնյան է եւ իրականացնում է մշտապես գործող Քարտուղարության ղեկավարությունը: Նա նշանակվում է ՀԱԽ-ի որոշմամբ անդամ-պետությունների քաղաքացիներից եւ հաշվետու է Խորհրդին: