Ինչի մասին է վկայում մաշկի գույնը

Եթե մաշկը դեղնել է

 

Ուշադրություն դարձրեք լյարդին: Դեղնության պատճառները շատ են՝ հեպատիտ, լեղաքարային հիվանդություն, ենթաստամոքսային գեղձի, փայծաղի աշխատանքի խանգարում, արյան հիվանդություններ: Մաշկին դեղին գույն է հաղորդում բիլիռուբին կոչվող պիգմենտը:

 

Այն լյարդում առաջանում է հեմոգլոբինի էրիթրոցիտների քայքայման դեպքում: Եթե բիլիռուբինն օրգանիզմից դուր գալու փոխարեն ընկնում է արյան մեջ կամ մնում հյուսվածքներում, ապա մաշկի գույնը կարող է դառնալ դեղին կամ նարնջագույն:

 

Եթե մաշկի գույնը մգացել է

 

Ուշադրություն դարձրեք երիկամներին և մակերիկամներին: Մաշկի մուգ կամ նույնիսկ սև գույնը երիկամների հիվանդության կամ միզապարկի ինֆեկցված ախտահարման ամենահավանական պատճառն է: Հարկ է անպայման այցելել ուրոլոգին:

 

Եթե մաշկն սպիտակել է

 

Ուշադրություն դարձրեք արյան բաղադրության, նյութափոխանակության, մարսողական, սիրտ-անոթային համակարգերի, թոքերի և  վահանագեղձի աշխատանքին:

 

Զննելով չափից ավելի գունատ հիվանդին՝ բժիշկը կարող է ախտորոշել  անեմիա`   հեմոգլոբինի (երկաթի) անբավարարություն, մարսողության կամ նյութափոխանակության խանգարում, ինչն էլ խոչընդոտում է երկաթի յուրացմանը:

 

Մաշկի կարող է գունատվել նաև ցրտից, վախից, ցավից, նաև այտուցներից: Գունատությունը կարող է առաջանալ նաև մաշկի վատ արյունամատակարարումից:

 

Եթե մաշկը կապտավուն է դարձել

 

Ուշադրություն դարձրեք սիրտ-անոթային, շնչառական համակարգերին: Անհապաղ պետք է դիմել սրտաբանին: Այդ գույնը վկայում է արյան մեջ թթվածնի անբավարարության մասին: Սիրտ-անոթային ու շնչառական համակարգերի բնականոն աշխատանքի մասին խոսելն ավելորդ է:

 

Եթե մաշկը կարմրել է

 

Ուշադրություն դարձրեք արյան, սիրտ-անոթային համակարգի, մարմնի ջերմաստիճանի, ուժեղ ազդեցությամբ վտանգավոր նյութերի (որոնք օգտագործվել են կենցաղում) վրա:

 

Եթե ամբողջ դեմքն է կարմրել

 

Հարկ է ստուգել սիրտ-անոթային համակարգը և արյան հետազոտություն անցնել: Դեմքի կարմրությունը կարող է պայմանավորված լինել արյան մեջ էրիթրոցիտների քանակի պաթոլոգիական ավելացմամբ, արյան ճնշման բարձրացմամբ կամ սրտի աշխատանքի խանգարմամբ:

 

Եթե մաշկը մոխրագույն է դարձել

 

Ուշադրություն դարձրեք մարսողությանը: Հողամոխրագույն երանգը սովորաբար պայմանավորված է ստամոքսաղիքային ուղու խնդիրներով: Դա կարող է լինել և՛ գաստրիտ, և՛ փորկապություն: Խորհրդակցեք գաստրոէնթերոլոգի հետ հետագայում բարդություններից խուսափելու համար:

 

Եթե մարսողությունը նորմալ է, նշանակում է մաշկի գույնի վրա ազդում են սթրեսներն ու ծխելը: Դա հանգեցնում է արյունատար անոթների նեղացման՝ նշանակալիորեն նվազեցնելով մաշկին թթվածնի մատակարարումը:

 

Հեղինակ`   Ն.Ա.

Սկզբնաղբյուր`   Առողջապահության լրատու 10 (548) 17.03.2010