Ինտելեկտը զարգացնող վարժություններ

Պարզվում է` մեր ուղեղը ևս ունի մարզվելու կարիք, և դա չի կարելի անտեսել: Առաջարկում ենք վարժություններ, որոնք պարբերական կիրառման դեպքում մարզում են ինտելեկտը:

«Ճանապարհորդեք» ամեն օր: Իհարկե, բոլորս էլ գիտենք, որ նոր երկրներ այցն ու նոր մարդկանց հետ շփումները լավագույնն են ինտելեկտը մարզելու համար, բայց քչերն ունեն այդ հնարավորությունը:

«Ճանապարհորդել», սակայն, հնարավոր է միշտ: Սովորական դարձած ճամփաները փոխարինեք նորերով: Աշխատավայրից տուն գնալիս, եթե սովորաբար անցնում եք ամենակարճ ճանապարհով, ապա հիմա շեղվեք այդ ճանապարհից: Նոր տարածքներ հայտնաբերեք:

Խախտեք ձեռքերի ֆունկցիաները: Այս մեթոդը լավացնում է կրեատիվ մտածողությունը: Այսպես, եթե աջլիկ եք, երբեմն-երբեմն կատարեք աջ ձեռքի պարտականությունները ձախ ձեռքով ու հակառակը:

Քայլեք փակ աչքերով: Ձեզ լավ ծանոթ վայրերն սկսեք անցնել երբեմն փակ աչքերով: Այս վարժությունն ստիպում է, որ աշխատի ուղեղի սենսորային հատվածը, որը հաճախ թերզարգացած է լինում:

Մտածեք ոչ ստանդարտ պատասխաններ ստանդարտ հարցերի համար: Այս վարժությունն օգնում է զարգացնել խոսքը:

Նմանատիպ մեխանիզմ է նաև առանց ձայնի ֆիլմ դիտելը: Դա հնարավորություն է տալիս դերասանի բերանի շարժումներին հետևելով փորձել կռահել նրա խոսքը: Ուսումնասիրեք ժեստերի լեզուն:Դա հիանալի կանդրադառնա Ձեր զգացողությունների զարգացման վրա:

Մի խուսափեք նորից: Կատարեք գործ, որը միշտ կարծել եք, թե վեր է ուժերից: Ուսումնասիրեք նոր գիտություններ ու լեզուներ, ընդլայնեք Ձեր աշխարհայացքը:

Աղբյուր` Ladynews.am