Ալեքսանդր Յակովլև

1920-ական թթ. խորհրդային ավիամոդելիզմի և սպորտային ավիացիայի հիմնադիրներից է: Ավարտել է Ժուկովսկու անվան ռազմաօդային ինժեներական ակադեմիան: Նախագծել է ԱԻՐ-6 տեղական կապի սերիական և ԱԻՐ-7 արագընթաց փոստային, ՈՒՏ-2 և ՈՒՏ-1 ուսումնական, ԲԲ-22 ռմբակոծիչ և Հայրենական մեծ պատերազմի հիմնական կործանիչ Յակ-1, Յակ-7, Յակ-9 ինքնաթիռները:

 

Նա ռեակտիվ ավիացիայի առաջին ստեղծողներից է: Նրա ղեկավարությամբ մշակվել են այնպիսի սերիական մարտական ինքնաթիռների նախագծեր, ինչպիսիք են Յակ-15, Յակ-28, ուղղաձիգ թռիչքի և վայրէջքի առաջին խորհրդային ինքնաթիռը, Յակ 14-դեսանտային պլաները, Յակ-24 ուղղաթիռը, Յակ-12 բազմանպատակ, Յակ-18Պ, Յակ-18ՊՄ, Յակ-50 սպորտային, Յակ-42 ռեակտիվ մարդատար ինքնաթիռները: Յակովլևի ղեկավարությամբ ստեղծվել են 75 տեսակի 66 հզ. ինքնաթիռներ: Ալեքսանդր Յակովլևը մահացել է 1989թ. օգոստոսի 22-ին, Մոսկվայում: