Թմրամոլության դեմ պայքարի օր

ՄԱԿ-ի նախաձեռնությամբ ամեն տարվա հունիսի 26-ին աշխարհի տարբեր երկրներում կազմակերպվում են քարոզարշավներ՝ ուղղված ապօրինի թմրամիջոցների պատճառած վնասների վերաբերյալ հանրային իրազեկության բարձրացմանը:

Թմրամոլությունը (նարկոմանիա) թմրանյութերի չարաշահումից առաջացած ծանր հիվանդություն է։ Թմրամոլության շարքին է դասվում ախտաբանական հակումն այն նյութերի հանդեպ, որոնք համարվում են թմրանյութեր։

Թմրամոլությունը հանգեցնում է օրգանիզմի կենսագործունեության կոպիտ խանգարման և սոցիալական անկման (դեգրադացիա)։ Թմրամոլությունը քրոնիկական հիվանդություն է և առաջանում է աստիճանաբար։ Պատճառը թմրանյութերի արբեցնող հատկությունն է, որն ուղեկցվում է հոգեկան ու ֆիզիկական լրիվ հարմարավետության և երջանկության զգացումով։

Հայաստանում 2008թ.-ից սկսած Քրեական օրենսգրքում թմրամիջոցների գործածումը ապաքրեականացվեց և թմրամիջոց օգտագործողին սկսեցին դիտարկել ոչ թե որպես հանցագործ, այլ որպես հիվանդ:

Թմրամոլները որքան վաղ դիմեն թմրաբանի օգնությանը, այնքան կարճ կտևի կրկնակի բուժումը։ Ընտանիքի անդամները, աշխատակիցները, շրջապատի մարդիկ պարտավոր են ժամանակին հայտնել իրենց ծանոթ թմրամոլի մասին։