Առանց ծխախոտի համաշխարհային օր

Մահերի թիվը գերազանցում է ՄԻԱՎ/ՁԻԱՀ-ից, տուբերկուլոզից և մալարիայից գրանցված մահվան բոլոր դեպքերը: Ծխողների գերակշիռ մասը ծխախոտի օգտագործումից առաջացած հիվանդությունների հետևանքով մահանում է միջին տարիքում (36-69 տարեկանում):

 

Բնորոշելով իրավիճակը Հայաստանում`   կարելի է ասել, որ մեզ մոտ ծխախոտի օգտագործման տարածվածության միտումը հարաբերական կայուն, սակայն բարձր է հատկապես տղամարդկանց շրջանում:

 

Հանրապետության քսան և ավելի բարձր տարիքի բնակչության մեծամասնությունը, սակայն, իրազեկված է այս ռիսկի գործոնի մասին: Մասնավորապես՝ բնակչության շրջանում տեղեկացվածությունը ծխախոտի երկրորդային ծխի բասական ազդեցության վերաբերյալ 2012 թվականին կազմել է 96%:

 

Ծխախոտի օգտագործման տարածվածության և դրա առողջապահական, տնտեսական և այլ հետևանքները կանխելու նպատակով ԱՀԿ անդամ երկրները մշակել են «Ծխախոտի դեմ պայքարի շրջանակային կոնվենցիա», որը հանրային առողջության ոլորտում առաջին գլոբալ համաձայնագիրն է:

 

Այս պայմանագիրը քաղաքակիրթ աշխարհի յուրովի պատասխանն է ծխախոտի համաճարակին, որը տարեկան վեց միլիոն մարդ է սպանում: Կոնվենցիան արդեն իսկ վավերացվել է ավելի քան 174 պետության կողմից:

 

ՀՀ առողջապահության նախարարությունը ևս միացել է ԱՀԿ նախաձեռնությանը և իր համերաշխությունն է հայտնել առողջ և գիտակից հասարակություն ձևավորելու հարցում: