Հողի ջերմային ռեժիմը

Ջերմակլանողականությունն արևի ջերմային էներգիան կլանելու հողի ընդունակությունն է: Այն հիմնականում կախված է հողի գույնից: Հումուսով հարուստ, մուգ գույնի հողերն ավելի մեծ ջերմակլանողականություն ունեն, քան հումուսից աղքատ բաց գույնի հողերը:

 

Ջերմաճառագայթումը հողի ջերմության մթնոլորտին տալու հատկությունն է: Սովորաբար ջուրն ունի ավելի մեծ ջերմաճառագայթելու ընդունակություն, քան հողի կազմի մեջ մտնող մյուս նյութերը: Այդ իսկ պատճառով էլ հողի ջերմաճառագայթումը մեծ չափով կախված է նրա խոնավության աստիճանից: Որքան հողի խոնավությունը բարձր է, այնքան ջերմաճառագայթումը մեծ է, և հողը ջերմություն շատ է կորցնում:

 

Ջերմահաղորդականությունը տաք շերտերից ջերմության սառը շերտերին հաղորդելու հողի ընդունակությունն է: Ձմռան ընթացքում ձյան պահպանումը հողի ջերմային ռեժիմի բարելավման և բույսերի վեգետացիայի ընթացքում ջրի պաշարն ավելացնելու կարևոր միջոցառումներից է համարվում: Տորֆը գոմազբը հողի մեջ մտցնելը նույնպես մեծ չափով լավացնում է ջերմային ռեժիմը: