Սողանքների կանխարգելում

• կոյուղու համակարգի ստեղծում և ջրմուղ-կոյուղու ցանցի պատշաճ շահագործում,
• լանջի խորքը թափանցած ջրերի հեռացման համար դրենաժային համակարգի ստեղծում,
• սահեցնող ուժերի նվազեցման նպատակով լանջի արտաքին, առանձնապես թեք շերտերի կտրում, հեռացում,
• ոռոգման նորմավորում և առաջավոր մեթոդների (կաթիլային ոռոգում) ներդրում,
• խորը արմատներով ծառերի տնկում:

Վերոնշյալ միջոցառումների մեծ մասը ծախսատար է և պահանջում է իրականացման բարձր որակ և հուսալիություն: Սողանքի դեմ պայքարի ամենաարդյունավետ ուղին անբարենպաստ երկրաբանական և այլ պայմաններով լանջերից «հեռու» մնալն է, դրանց վրա կառուցապատումներ, ձևափոխումներ, անտառահատումներ և այլ միջամտություններ կատարելուց խուսափելը:

• Շինարարություն կատարեք միայն հիմնավոր նախագծերի համաձայն:
• Սողանքավտանգ լանջը չծանրաբեռնեք շենքերով, շինություններով (դա խախտում է լանջի զանգվածի հավասարակշռությունը):
• Լանջերում ծառահատումներ և անտառահատումներ չանեք, սողանքավտանգ լանջերը ծառապատեք, թփապատեք և անտառապատեք:
• Լանջերում դարավանդներ չկառուցեք բոստանային մշակաբույսերի համար:
• Հնարավորինս սահմանափակեք գնացքների և ավտոմեքենաների տեղաշարժը:
• Արգելեք այն պայթեցումները, որոնք կարող են առաջացնել սողանքներ:
• Ստեղծեք ջրահեռացման համակարգ (կոյուղու, խմելու ջրի, կենցաղային ջրերի, անձրևաջրի հեռացման համար) և թույլ մի´ տվեք, որ ջուրը ներծծվի հողի շերտ ու հասնի կավային շերտերին:
• Ջրավազանների, լոգարանների և այլ ջրօգտագործող օբյեկտների շահագործումն իրականացրեք ջրի արտահոսքի բացառման պայմանով:
• Հողատարածքների ոռոգում կատարեք խիստ խնայող ռեժիմով: