Ի՞նչ անել սեփական անվտանգության համար

• սովորեք, թե ինչպես են անջատվում հոսանքը, ջուրը և գազը,
• սովորեք օգտվել կրակմարիչից,
• կահույքը, հաստոցներն ու սարքերը հուսալիորեն ամրացրեք հատակին ու պատերին,
• ծանր առարկաներն իջեցրեք վերևի դարակներից և դրեք հատակին կամ տեղադրեք ստորին դարակաշարերի վրա,
• վտանգավոր նյութերի (դյուրավառ հեղուկներ, թունավոր նյութեր) անոթները հուսալիորեն ամրացրեք, ստուգեք տարաների կափարիչների, խցանների հուսալիությունը,
• խտացված գազով լի գլանոթը, գազօջախը և ջրատաքացուցիչը մետաղագամերով հուսալիորեն ամրացրեք պատին,
• կախովի իրերը և լուսավորող սարքերը հուսալիորեն ամրացրեք առաստաղին,
• մահճակալները տեղադրեք կրող պատի մոտ՝ պատուհաններից, ապակե միջնապատերից հեռու: Չի՛ կարելի մահճակալի վերևում կախել գրադարակներ, ծանր շրջանակներով նկարներ, հայելիներ:

Ձեր իսկ անվտանգության համար անհրաժեշտ է՝

• Նախապես մշակել հնարավոր երկրաշարժի ժամանակ Ձեր գործելակերպը, ինչը կօգնի Ձեզ երկրաշարժի պահին խուսափել խուճապային իրավիճակներից և ճիշտ գործել:
• Իմանալ/որոշել տան կամ աշխատավայրի ամենաանվտանգ տեղերը, որտեղ կարելի է պատսպարվել ցնցումների ժամանակ: Ձեր ընտանիքի անդամներին և աշխատակիցներին ծանոթացնել դրանց:
• Նախապես որոշել շենքից դուրս գալու և դեպի բաց տարածություն հեռանալու ամենաանվտանգ տեղերը, պայմանավորվել ընտանիքի անդամների հետ (եթե երկրաշարժի ժամանակ գտնվում եք բնակավայրի տարբեր մասերում), թե որտեղ պիտի հանդիպեք տարհանման ժամանակ:
• Տիրապետել և ընտանիքի անդամներին սովորեցնել առաջին օգնության ձևերը:
• Տանը՝ մուտքի մոտ, պահել առաջին անհրաժեշտության իրերով պայուսակ, որի մեջ պետք է լինեն՝

1. առաջին օգնության դեղարկղիկ (դեղորայք, վիրակապական նյութեր),
2. մարտկոցով ռադիոընդունիչ,
3. գրպանի լապտեր և թարմ մարտկոցներ,
4. կարևոր փաստաթղթեր, կանխիկ գումար,
5. տաք հագուստ,
6. ծածկոց, քնապարկ,
7. պահածոյացված սնունդ, պահածոների բացիչ,
8. խմելու ջրով լի տարա:

Աղբյուրը՝ «Արտակարգ ալիք» լրատվական կենտրոն