Կիտո (Էկվադոր)

Կիտոն Էկվադորի մայրաքաղաքն է, երկրի քաղաքական, տնտեսական և մշակութային կենտրոնը: Անվանումը սկզբնավորվում է հին հնդկացիական ցեղի անունից՝ կիտու: Բնակչության թվաքանակով երկրորդ քաղաքն է:

 

Կիտոն հիմնվել է մ.թ. 1-ին հազարամյակի վերջերին, եղել է կարա էթնոսին պատկանող Կիտու հնդկացիական պետության մայրաքաղաքը: 15-րդ դարում պետությունը նվաճել են ինկերը:

 

1534թ. Սեբաստիան դե Բենալկասարը նվաճել է տարածքը, որի վրա տեղակայված էր հնդկացիական քաղաքը և հիմնել է իսպանական բնակավայր՝ Սան-Ֆրանսիսկո-դե-Կիտոն:

 

Փաստացիորեն քաղաքը հիմնադրվել է Սեբաստիան դե Բենալկասարի՝ դեպի Կիտո երկրորդ վերադարձից հետո: 1822թ. երբեմնի իսպանական գաղութ Կիտոն հռչակեց իր անկախությունը, որից հետո՝ 1826թ. Մեծ Կոլումբիայի կազմի մեջ մտավ:

 

1830թ. Էկվադորը դուրս եկավ էկվադորական դաշնության կազմից, Կիտոն հայտարարվեց նորանկախ պետության մայրաքաղաքը:

 

Կիտոն Էկվադորի մշակութային և կրթական կենտրոնն է: Այստեղ գործում են Էկվադորի կենտրոնական համալսարանը, Մայիսի 24-ի անվան կանանց ազգային քոլեջը, Կանանց մանկավարժական համալսարանը, Ազգային քաղաքական դպրոցը, Երաժշտության ազգային ակադեմիան, Նրբագեղ արվեստների կենտրոնը և այլն: