Երբ կանչել շտապ բժշկական օգնություն

Կան ընդհանուր ցուցիչներ, որոնց դեպքում ծնողները պետք է դիմեն բժիշկների օգնությանը: Այսպես, առաջին ցուցիչներից են բարձր ջերմությունը և սրտխառնոցը: Եթե երեխայի մոտ մարմնի ջեմաստիճանը 38 աստիճան է, ապա ժամանակն է դիմել բժշկի: Մյուս նշաններն են սննդից հրաժարվելն ու առհասարակ այն դեպքերը, երեբ երեխան իրեն սովորականի պես չի դրսևորում:

Նման դեպքերում այցելությունը բժշկին հետաձգելը կարող է ճակատագրական լինել: Երեխայի մոտ հիվանդություններն սկսում են աննկատ ու զարգանում են շատ արագ:

Որքան շուտ տանեք երեխային հետազոտության, այնքան շուտ բժիշկը կնշի ճիշտ ախտորոշումը, և հնարավոր կլինի կանխարգելել հիվանդության զարգացումը:

Եվ այսպես, պարզենք՝ որ դեպքերում է անհրաժեշտ անհապաղ շտապ օգնություն կանչել՝

- երբ մինչև 4 տարեկան երեխայի ջերմաստիճանը 38 աստիճանից բարձր է,

- եթե երեխայի մոտ դողէրոցք է, ինչն ուղեկցվում է բարձր ջերմությամբ և ցնցումներով,

- եթե երեխայի մոտ կան կենտրոնական նյարդային համակարգի խնդիրներ,

- եթե երեխան ունի նյութափոխանակության ժառանգական խնդիր,

- եթե երեխան ունի սրտանոթային համակարգի խնդիրներ,

- եթե երեխան աղեստամոքսային տրակտի խնդիրներ ունի

- երբ նա ստացել է կենցաղային վնասվածք և ունի թուլության զգացողություն:

Բոլոր դեպքերում հիմնական ցուցիչները հետևյալներն են՝ մարմնի ջերմաստիճանի բարձրացում, դողէրոցք, սրտխառնոց ու փսխումներ, սննդից հրաժարում ամբողջ օրվա ընթացքում:

Այս ցուցիչներից որևէ մեկի առկայության պարագայում պետք չէ հապաղել, անհրաժեշտ է դիմել բժշկին:

Աղբյուրը՝ Aroxj.am