Լեռնագնացության համաշխարհային օր

Հայաստանը ևս հաջողություններ ունի լեռնագնացության մեջ: Հայաստանում ժողովրդի կենցաղի մեջ լեռնային սպորտը մտել է ոչ միայն որպես սպորտի ձև, այլ նաև հայրենի երկիրը ուսումնասիրելու և ակտիվ հանգստի միջոց: Հայաստանում փաստացի առաջին վերելքը կատարվել է 1925 թվականի օգոստոսին:

 

Հատկանշական է Աղվան Չատինյանի և Ստեփան Մուրադյանի դերը հայկական լեռնագնացության մեջ: Աղվան Չատինյանն աշխարհում առաջինն էր, ով Ուժբա լեռը բարձրացավ «Խաչ» կոչվող երթուղիով. մինչ այդ ոչ ոքի դա չէր հաջողվել: Մինչև օրս քչերն են հաղթահարել Ուժբա լեռը: 1950-1954թթ. Աղվան  Չատինյանը դարձել է Կովկասի ժայռամագլցման չեմպիոն: Հաղթահարել է շուրջ 200-ից ավելի վերելքներ:

 

Ստեփան Մուրադյանը ալպինիզմի մասին բազմաթիվ գրքերի հեղինակ է, մասնավորապես՝ «Հայաստանում ալպինիզմի պատմությունը և զարգացումը»: Նա նվաճել է շուրջ 150 բարդ կարգի լեռ: Բարձրացել է 7000 մետրից ավելի բարձրություն ունեցող մի քանի գագաթներ, որոնցից մեկը`   56 տարեկանում:

 

Աղբյուրը՝ Vento.am