Հելսինկի (Ֆինլանդիա)

Հելսինկին Ֆինլանդիայի մայրաքաղաքն է, նավահանգիստ Բալթիկ ծովի Ֆիննական ծոցի ափին։ Հիմնվել է 1550թ.ին Վանտանյոկի գետի գետաբերանում՝ Շվեդիայի թագավոր Գուստավ Վազայի հրամանով։ 1641թ.ին փոխադրվել է 5 կմ ավելի հարավ՝ դեպի Էստնես թերակղզու ծայրը։ Քաղաքը շվեդերեն կոչվում է Հելսինգֆորս (Helsingfors). անվանումը կազմված է հելսինգներ ցեղանունից և շվեդերեն fors «ջրվեժ» բառից (սկզբնապես քաղաքը հիմնադրվել է ջրվեժի մոտ)։ 1812թ.ից եղել է Ֆինլանդական մեծ իշխանության (Ռուսական կայսրութան կազմում) մայրաքաղաքը։ 1917թ.ի դեկտեմբերից Ֆինլանդական հանրապետության մայրաքաղաքն է։

Աղբյուր՝ http://hy.wikipedia.org/