Օաքսակա (Մեքսիկա)

Օաքսական իսկական դրախտ է արվեստը գնահատողների համար: Քաղաքը հայտնի է իր համեղ խոհանոցով ու հմուտ խոհարարներով, ձեռագործ աշխատանքների կրպակներով ու տարբեր բարձրակարգ թանգարաններով: Քաղաքը հիմնադրվել է 1529թ.-ին, սակայն այն բնակեցված է եղել դեռևս նախապատմական շրջանից: Քաղաքի տեսարժան վայրերից են Սանտո Դոմինգո տաճարը,  Օաքսակայի մայր տաճարը, Պլազա դե լա Կոնստիտուսիոն հրապարակը, որտեղ կարող եք հանգստանալ սրճարաններից մեկում, մի գավաթ տեխատե ըմպեք (կակաոյից պատրաստված զովացուցիչ սառը ըմպելիք) կամ էլ մեկ այլ տեղական ըմպելիք`   մեզկալ փորձեք: Մի ժամանակ այս քաղաքի տեղում անտիկ զապոտեկների քաղաքակրթությունն է եղել, իսկ այսօր այս քաղաքը ՅՈՒՆԵՍԿՕ-յի կողմից համաշխարհային ժառանգության օբյեկտ է համարվում:

 

Քաղաք այցելելու հրաշալի ժամանակ է նոյեմբերի 20-ը, երբ քաղաքի փողոցները լցվում են տարբեր տեսակի ձեռագործ աշխատանքներով լի կրպակներով, ինչը թողնում է ցուցահանդեսի տպավորություն, որտեղ դուք հնարավորություն ունեք գնել ձեզ դուր եկած աշխատանքները: