Սբ. Գրիգոր Լուսավորչի ելքը Վիրապից

Այդ դեպքից հետո արքան ու արքունի պալատականները ծանր հիվանդանում են: Տրդատի քույրը երազ է տեսնում, որ արքայի հիվանդությունը կարող է բուժել միայն Խոր Վիրապում բանտարկված Սբ. Գրիգորը:

 

Եվ ահա 13-ամյա բանտարկությունից հետո ազատ է արձակվում հայոց ամենամեծ սուրբը: Սբ. Գրիգորի աղոթքներով ապաքինվում է արքան`   դառնալով Գրիգոր Լուսավորչի քրիստոնեական քարոզչության լծակիցը:

 

Հայոց հողում կործանվում են հեթանոսական տաճարները, որոնց տեղերում բարձրացվում են Տերունական խաչեր: Քրիստոնեությունը հռչակվում է հայոց պետական կրոն: Մեծաշուք հանդիսավորությամբ Ս. Գրիգոր Լուսավորիչն ուղարկվում է Կեսարիա, ուր ձեռնադրվում է Հայաստանյայց Սուրբ եկեղեցու առաջին հովվապետ:

 

Սբ. Գրիգոր Լուսավորչի ելքը Վիրապից Հայ Առաքելական եկեղեցու մեծ տոներից է, որ հիշատակվում է Սբ. Հռիփսիմյան և Սբ. Գայանյան տոներին հաջորդող շաբաթ օրը: 

 

Այդ օրը բոլոր եկեղեցիներում մատուցվում է Սուրբ Պատարագ:

 

Աղբյուրը՝ www.qahana.am