Ելակը բուժում է սիրտը

Փորձը, որը կատարել են "Marche" ճարտարագիտական համալսարանի (Իտալիա) և "Salamanca" համալսարանի (Իսպանիա) հետազոտողները, տևել է մեկ ամիս: Մասնակիցները հետազոտության համար արյուն են հանձնել փորձից առաջ և հետո։

 

Արդյունքները, որոնք հրապարակվել են "Nutritional Biochemistry" ամսագրում, ցույց են տվել, որ խոլեստերինի ընդհանուր քանակը, ցածր խտության լիպոպրոտեիդների մակարդակը (վատ խոլեստերին) և տրիգլիցերիդների քանակը նվազել է մինչև 8,78 %, 13,72 % և 20,8 % համապատասխանաբար: Բարձր խտության լիպոպրոտեիդները (լավ խոլեստերին) մնացել են անփոփոխ:

 

Մասնակիցների այլ տվյալներ ևս բարելավվել են՝ պլազմայի ընդհանուր լիպիդային պատկերը, հակաօքսիդանտ կենսամարկերները (ինչպես վիտամին С-ն), հակահեմոլիտիկ պաշտպանությունը և տրոմբոցիտների գործառույթը: Բոլոր պարամետրերը նախնական վիճակին են վերադարձել «ելակաբուժությունից» 15 օր հետո:

 

Ավելի վաղ կատարված հետազոտությունները ցույց են տվել, որ ելակը հզոր հակաօքսիդանտ է: Սակայն "Marche" համալսարանի գիտնականների խոսքով դա առաջին հետազոտությունն է, որն ապացուցում է`   ելակը նվազեցնում է սրտանոթային հիվանդությունների ռիսկային գործոնները:

 

Գիտնականներն առայժմ չգիտեն, թե հատկապես որ բաղադրիչն է այդպիսի զարմանալի ազդեցություն ունենում, բայց կարծում են, որ դա անտոցիանն է՝ բուսական պիգմենտը, որը պտղին տալիս է կարմիր գույն:

 

Հետազոտողները նաև պարզել են, որ ելակի պարբերական օգտագործումը պաշտպանում է ուլտրամանուշակագույն ճառագայթումից, նվազեցնում է վնասը, որն ալկոհոլը կարող է ունենալ ստամոքսի լորձաթաղանթի վրա, ամրապնդում է արյան կարմիր բջիջները, լավացնում է արյան հակաօքսիդանտության ցուցանիշները:

 

Աղբյուրը՝ med.news.am