Նորություններ

Ձնամարտի առաջնություն՝ Հայաստանում

Սպորտ 2019-02-08

Հայաստանում առաջին անգամ կանցկացվի ձնամարտի առաջնություն։ Այն կանցկացվի փետրվարի 16-ին Ապարան քաղաքում։ Խաղի կանոնները հետևյալն են՝ • յուրաքանչյուր թիմ պետք է ունենա 7 խաղացող, 1 մարզիչ և 2 պահեստային խաղացող, • խաղացողների դասավորությունը՝ 4 հարձակվող և 3 պաշտպան, • խաղացողները ձնագնդի հարված ստանալու դեպքում պետք է դուրս գան այդ խաղակեսից, • այլ առարկայից, ռեկաշետով ստացած հարվածները չեն հաշվվում, և խաղացողը մնում է դաշտում, • խաղացողը պետք է դուրս գա, անգամ երբ իր թիմակիցների ձնագունդն է կպչում իրեն, ներառյալ այն դեպքը, երբ մյուս խաղացողը ցանկանում է ձնագունդ փոխանցել խաղընկերոջը, • ձնագնդերը խաղընկերներին փոխանցվում են ձեռքից ձեռք, կամ գլորելու միջոցով, • յուրաքանչյուր խաղակեսը տևում է 3 րոպե, • յուրաքանչյուր խաղակեսում յուրաքանչյուր թիմ կարող է օգտագործել մինչև 90 ձնագունդ։ Հաղթում է այն թիմը, որը գրավում է հակառակորդի դրոշը կամ ձնագնդի հարվածներով խաղից հանում է հակառակորդի բոլոր խաղացողներին, ինչպես նաև այն թիմը, որը ավելի շատ խաղացող կունենա դաշտում խաղակեսի ավարտին։ Աղբյուրը՝ Tert.am

Տեղեկատվության ճշգրտության համար Dasaran.am կայքը պատասխանատվություն չի կրում: