Հայաստանի կանանց շախմատի հավաքականը՝ Օլիմպիադայի առաջատար

Հայաստանի հավաքականը շարունակում է հաղթական քայլերով առաջ շարժվել Շախմատի համաշխարհային օլիմպիադայում: Այսպես, 7-րդ տուրում Հայաստանի տղամարդկանց թիմը առավելության է հասել բելառուսների նկատմամբ 2,5:1,5 միավորով: Հայաստանի կանանց ընտրանին հաղթանակ է տարել ամերիկուհիների նկատմամբ նույն հաշվով՝ 13 միավորով գլխավորելով մրցաշարային աղյուսակը: Ըստ որում՝ մեր տղամարդկանց հավաքականը զբաղեցնում է 4-րդ տեղը 12 միավորով: Ի դեպ, Բաթումիում ընթացող շախմատի համաշխարհային մարզահանդեսի ավարտին մնացել է չորս տուր: Աղբյուրը՝ Panorama.am