Միասնական քննությունները կմեկնարկեն վաղը

Վաղը հանրապետությունում կմեկնարկեն միասնական քննությունները։ Հայաստանյան բուհեր ընդունվել ցանկացող դիմորդների թիվն այս տարի 4626 է, իսկ նախորդ տարի այդ թիվը կազմում էր 9737։ Միասնական քննությունները կմեկնարկեն «Աշխարհագրություն», «Կենսաբանություն» և «Համաշխարհային պատմություն» առարկաներով։ Գնահատման և թեստավորման արտաքին համագործակցության բաժնի պետ Վարդան Պարսամյանը հայտնել է, որ «Աշխարհագրություն» առարկայից վաղը քննություն կհանձնի 128, «Կենսաբանություն»-ից 542 և «Համաշխարհային պատմություն»-ից 34 դիմորդ»։ Այս տարի հանրապետությունում գործելու է 15 քննակենտրոն՝ ի տարբերություն նախորդ տարվա 29-ի։ Նշենք նաև, որ Միասնական քննությունների երկրորդ փուլը կմեկնարկի հուլիսի 2-8-ը: Աղբյուրը՝ Panorama.am