Գրանցում «1991 ստորաբաժանման» նախապատրաստական դասընթացներին

«1991 ստորաբաժանում» ծրագրի նպատակն է ապահովել զինվորական ծառայության մեջ գտնվող անձանց շարունակական կրթության, բազմակողմանի զարգացման, մասնագիտական հմտությունների յուրացման հնարավորությունները: Նախատեսվում է ՀՀ զինված ուժերի կազմում  ստեղծել նոր հատուկ միավոր, որի գործունեության արդյունքում հնարավոր կլինի իրականացնել ինչպես ամենօրյա, այնպես էլ միջնաժամկետ և երկարաժամկետ խնդիրների լուծմանն ուղղված գիտահետազոտական նախագծեր և վերլուծություններ:

«1991 ստորաբաժանման» զինծառայողները ձեռք կբերեն հիմնարար և գործնական գիտելիքներ ու հմտություններ, որոնց շնորհիվ  զորացրվելուց հետո հնարավորություն կունենան.

• անցնել աշխատանքի հենց ՀՀ ՊՆ համապատասխան ստորաբաժանումներում՝ շարունակելով կիրառել իրենց ստացած գիտելիքները և զարգացնել դրանք,
• աշխատանք գտնել առաջատար բարձր տեխնոլոգիական ընկերություններում,
• ընդգրկվել գիտահետազոտական լաբորատորիաների աշխատանքներում:

Նախապատրաստական դասընթացի նպատակն է նախազորակոչային տարիքում գտնվող անձանց տրամադրել լրացուցիչ գիտելիքներ տվյալագիտության և արհեստական բանականության ոլորտների վերաբերյալ, որի շնորհիվ վերջիններս առավել պատրաստված կլինեն հետագայում «1991 ստորաբաժանում»-ում ծառայություն անցնելու համար։

Նախապատրաստական դասընթացի բովանդակությունը՝

• Գծային հանրահաշիվ և անալիտիկ երկրաչափություն
• Մաթեմատիկական անալիզ
• Հավանականությունների տեսություն
• Ծրագրավորման հիմունքներ
• Մեքենայական ուսուցման հիմունքներ
• Նեյրոնային ցանցերի հիմունքներ
• Ավարտական նախագծեր

Ծրագրին կարող եք դիմել`  http://bit.ly/2MTEtZy

«1991 ստորաբաժանման» մասին տեղեկատվության համար կարող եք անցնել հետևյալ հղումով` http://mil.am/hy/news/6898

Հարցերի դեպքում`

• գրել [email protected] էլեկտրոնային հասցեին
• զանգահարել +374 60 74 00 44 հեռախոսահամարով

Լրացուցիչ տեղեկատվության համար այցելել՝  http://bit.ly/2rdvdHx

Դասընթացն ԱՆՎՃԱՐ է։