Ձեզ ենք ներկայացնում www.Dasaran.am` կրթական ծրագիրը, որի

առաքելությունն է`

տեղեկատվական տեխնոլոգիաների ներդրման միջոցով նպաստել Հայաստանում կրթության որակի բարձրացմանը,

նպատակներն են`

• ամրապնդել որակյալ կրթության անհրաժեշտության և կարևորության գաղափարը,
• բացահայտել ու խրախուսել աշակերտներին ներդպրոցական, միջդպրոցական և համահայկական ինտելեկտուալ մրցույթների, խաղերի միջոցով,
• ձևավորել աշակերտների, ծնողների և ուսուցիչների հաղորդակցման հատուկ համակարգ,
• բարձրացնել դպրոցների գործունեության թափանցիկությունը:

Աշակերտնե՛ր,

Dasaran.am–ն ստեղծված է հատուկ ձեզ համար: Դուք հնարավորություն կստանաք`

• կայքում գտնել ձեր բոլոր համադասարանցիներին և այլ դպրոցներում սովորող ընկերներին, ուղարկել նրանց հաղորդագրություններ, գնահատել նրանց նկարները և այլն,
• մասնակցել բազմաթիվ հետաքրքրաշարժ մրցույթների, օրինակ` «Լավագույն շարադրություն»,«Գրական մրցույթ», «Լավագույն նկար»,«Ինչ, Որտեղ, Երբ» հաղթելու պարագայում արժանանալ թանկարժեք մրցանակների,
• խաղալ բազմաթիվ զարգացնող խաղեր, որոնք կօգնեն ձեզ ձեր ուսումնառության գործընթացում:

Ծնողնե՛ր,

Ձեր դպրոցում կարող է ակտիվացվել նաև «Էլեկտրոնային օրագիր» ծառայությունը, որի միջոցով դուք կկարողանաք տեսնել ձեր երեխայի`

• գնահատականները,
• առաջադիմությունը (այդ թվում` յուրաքանչյուր առարկայից նրա միջին գնահատականը),
• բացակայությունները,
• տնային աշխատանքները,
• դասացուցակը,
• վարկանիշը:

Կայքի օգնությամբ կարող եք տեղեկանալ նաև ծնողական ժողովների մասին և տեսնել ուսուցիչների մեկնաբանությունները ձեր երեխայի վերաբերյալ:

Հոգեբանական ծառայություն

• Կայքում գործում է նաև հոգեբանական անկյուն, որտեղ յուրաքանչյուր աշակերտ կամ ծնող հնարավորություն ունի դիմել փորձառու հոգեբանների` իրենց մոտ առկա խնդիրների վերաբերյալ մասնագիտական խորհրդատվություն ստանալու նպատակով: Խորհրդատվությունը տրամադրվում է հանրահայտ World Vision միջազգային կազմակերպության կողմից:

Դպրոցի տնօրինությու՛ն,

Dasaran.am – ը հնարավորություն է տալիս.

• վիճակագրական վերլուծությունների գործիքի միջոցով ստանալ դպրոցին վերաբերող տարբեր տվյալներ, կատարել դպրոցի արդյունավետ կառավարման համար անհրաժեշտ վերլուծություններ,
• իրականացնել դպրոցի գործունեության արդյունավետ վերահսկողություն,
• տեղեկացնել աշակերտներին և ծնողներին ակնկալվող դպրոցական միջոցառումների մասին, կայքում տեղադրել տնօրինության որոշումները, հաշվետվությունները և այլն:

Ուսուցիչներ

Dasaran.am – ի միջոցով դուք կարող եք`

• կիսամյակի վերջում ստանալ բոլոր աշակերտների միջին գնահատականները,
• արագ և արդյունավետորեն հաղորդակցվել ծնողների հետ,
• կայքում տեղադրել ձեր կողմից նշանակված գնահատականները, հանձնարարված տնային աշխատանքները և դրանց հետ կատարել համապատասխան վերլուծություններ:

Նշված բոլոր ծառայություններն անվճար են և բաց են կայքի բոլոր անդամների համար:

Տվյալների գաղտնիությունն ապահովված է, քանի որ կայք մուտք գործելու համար Դուք պետք է մուտքագրեք Ձեր անձնական ծածկագիրը:

Այլևս կարիք չկա՝

• զանգահարել դասընկերոջը տնային աշխատանքներն իմանալու համար
• հաշվել յուրաքանչյուր առարկայի միջին գնահատականը
• Ձեր երեխայից հարցնել, թե ինչ գնահատականներ է ստացել այսօր
• Ձեր երեխայի վարքն իմանալու համար գնալ դպրոց
• Ձեր երեխայի համար գնել ինտելեկտուալ խաղեր