Գազարն օգտակար է ոչ միայն տեսողության համար

Պարզվում է՝ գազարը ոչ միայն օգտակար է տեսողության համար, այլև այն կարող է նվազեցնել սրտանոթային հիվանդությունների առաջացման հավանականությունը, ինչպես նաև պաշտպանել քաղցկեղից:

Գիտնականները հավաստում են, որ պատճառը կարոտինիդներն են: Կարոտինիդները հակաօքսիդանտների խումբ են, որոնք առկա են նաև դդումի մեջ:

Հակաօքսիդանտներ կարելի է գտնել մուգ կանաչ բանջարեղեններում, օրինակ՝ բրոկոլիի, կանաչ լոբու և կանաչ ոլոռի մեջ: Այս միացություններն օգնում են թոքերի քաղցկեղի դեմ պայքարում:

Քրոնիկ հիվանդությունները, օրինակ՝ սրտի հիվանդությունները և քաղցկեղը, հարուցվում են ԴՆԹ-ի, սպիտակուցների և ճարպերի թթվածնային վնասվածքով:

Բացահայտվել է, որ կարոտինոիդները, ներառյալ՝ բետա-կարոտինը, ալֆա-կարոտինը և լիկոպինը, արգելակում են այդ վնասը: