Ինչպես պայքարել անվճռականության դեմ

Տարբերակները ճիշտ են

 

Երբեմն մեզ թվում է, որ ճիշտ որոշում կայացնելը կյանքի և մահվան հարց է: Մենք մտածում ենք, որ ընտրության տարբերակներից մեկը ճիշտ է, մյուսը՝ սխալ: Շատ հաճախ դա մոլորություն է: Կարևորն այն է, թե ինչպես ենք օգտագործում մեր ընտրությունը:

 

Օրինակ՝ դուք պետք է ընտրեք, թե ուր գնաք երեկոյան: Քանի դեռ դրական եք տրամադրված, ուր էլ գնաք, կլինի ուրախ: Եթե մտածեք, որ որոշումն այնքան էլ ճիշտ չէ, ապա բավարարված չեք լինի, նույնիսկ եթե կատարեք ճիշտ ընտրություն:

 

Աշխատեք ինքնավստահության վրա

 

Անվստահությունը հաճախ առաջանում է նրանից, որ մենք կասկածի տակ ենք դնում մեր ընդունակությունները: Օրինակ՝ ցանկանում եք միանալ սպորտային թիմին, բայց վստահ չեք, որ խաղում եք բավական լավ:

 

Դուք սկսում եք կռվել ձեզ հետ: Այդպիսի իրավիճակում պետք չէ անհանգստանալ հնարավոր սահմանափակումների համար: Եթե անտեսեք Ձեր ավելորդ անհանգստությունը, ավելի հեշտ կլինի անել նոր ընտրություն:

 

Մի´ մտահոգվեք նրա համար, որ ուրիշները ձեզանից այլ արարքներ են սպասում: Բոլորս հանդիպել ենք նման իրավիճակի՝ ինտուիցիան հուշում է՝ ինչպես վարվել, բայց մենք սկսում ենք մտահոգվել, թե ուրիշներն ինչ կասեն:

 

Կարելի է լսել բոլոր խորհուրդները, բայց եթե զգում եք, որ ձեր որոշումը ճիշտ է, վարվեք, ինչպես ցանկանում եք: Հասարակության կարծիքին չափից ավելի նշանակություն մի տվեք. դա ձեր իսկ կյանքն է:

 

Խոսեք ընկերոջ հետ

 

Լինում է, որ անվճռականությունն աճում է ու աճում, և հնարավոր չէ ինքնուրույն ընտրություն կատարել: Այս դեպքում կարող եք խոսել մտերիմ ընկերոջ հետ: Մի´ խնդրեք նրանից որոշումներ կայացնել Ձեր փոխարեն:

 

Դրա փոխարեն մանրամասն նկարագրեք իրավիճակը: Երբ դուք հարցին նայում եք այլ տեսանկյունից, առավել հեշտ է լինում որոշում կայացնելը: Եղե՛ք վճռական, և ամեն ինչ լավ կլինի: