Սխտոր ուտելու ևս մեկ հիմնավոր պատճառ

Դեպքերի գրեթե 80%-ը պայմանավորված է ծխելու վնասակար սովորությամբ: Ըստ վիճակագրության`   հիվանդների տասից միայն մեկ տոկոսն է ախտորոշումից հետո ապրում հինգ տարի: Չինացի գիտնականները, ցանկանալով ուսումնասիրել թոքերի քաղցկեղի և սխտորի օգտագործման միջև եղած կապը, համեմատել են փորձարկվողների երկու խմբի`   առողջ կամավորների (4500 մարդ) և քաղցկեղով հիվանդների (1424 հիվանդ):

 

Հետազոտվողները մասնակցել են հարցմանը  իրենց խոհանոցային նախապատվությունների ու կենսակերպի բացահայտման նպատակով: Պարզվել է, որ շաբաթվա ընթացքում առվազն երկու անգամ հում սխտոր օգտագործող մարդկանց մոտ թոքերի քաղցկեղի առաջացման վտանգը բավականին նվազել է (44%-ով): Հայտնի չէ՝ արդյո՞ք եփված սխտորն ունի նման հատկանիշներ: Հայտնի չէ նաև, թե որ բաղադրիչի շնորհիվ սխտորն ունի հակաուռուցքային նման հատկություն:

 

Գիտնականները ենթադրում են, որ պատճառը սխտորի բաղադրության մեջ մտնող ալիցինն է, որն ունի հակաբորբոքային և հակաօքսիդանտ հատկություններ: Ամեն դեպքում, օգտագործեք սխտոր և մի վախեցեք վերջինիս տհաճ հոտից, քանզի այն հեշտությամբ կարելի է անցկացնել մեկ բաժակ կաթի օգնությամբ: