Երբ երեխան սիրում է պատասխանել

Մի՛ նվաստացրեք և քամահրանքով մի՛ խոսեք երեխայի հետ։ Խոսեք նրա հետ այնպես, ինչպես կցանկանայիք, որ նա խոսեր ուրիշների հետ։ Դիտողություն մի՛ արեք , մի՛ ամաչեցրեք երեխային ուրիշների առջև։

Հանգիստ քննարկեք այն հարցերը, որոնց շուրջ տարաձայնություններ ունեք երեխայի հետ, սակայն խուսափեք թեժ վիճաբանություններից, քանի որ դրանք ոչ միայն չեն մեղմի, այլև ավելի կսրեն հակասությունը։

Հետևողական եղեք մեծահասակներին հակաճառելու ձեր մոտեցումներում և նույն պահանջները ներկայացրեք ամեն օր։

Հանկարծակիի մի բերեք երեխային անսպասելի պահանջներով, որոնք կարող են զայրույթ և հուսահատություն առաջացնել նրա մոտ՝ ստիպելով հակաճառել։ Աշխատեք, որ երեխան նախապես իմանա, թե ինչ է սպասվում իրեն։ 

Պարտականությունների ցանկ պատրաստեք, երեխային հանձնարարեք նախապես սահմանել դրանց կատարման ժամկետը և հետևողականորեն վերահսկեք դրա իրականացումը՝ այսպիսով խրախուսելով երեխայի մոտ ժամանակի կազմակերպման հմտությունների զարգացումը։