Նռան հյութն ամենաօգտակարն է

Նռան հյութն օգտակար է նաև մրսածության ժամանակ, քանզի դրանով կարելի է ողողել կոկորդը: Բրիտանացի բժիշկները հայտնաբերել են, որ նռան հյութը նվազեցնում է արյան մեջ առկա ճարպաթթուների պարունակությունը, իսկ վերջիններս կանանց և տղամարդկանց որովայնի հատվածում ճարպի կուտակման հիմնական պատճառն են համարվում:

 

Փորձի ընթացքում, որին մասնակցել էին երկու սեռի 48 ներկայացուցիչ, առաջարկվել էր օրական խմել 500 մգ նռան հյութ: Փորձից հետո պարզվել է, որ կամավորների 1/2-ի որովայնի հատվածում առկա ճարպի պարունակությունը նվազել է: Բացի այդ, մասնակիցներից 90%-ի մոտ նվազել էր արյան ճնշումը, ինչն իր հեթին նվազեցրել էր սրտի նոպաների, ինսուլտի և երիկամների հիվանդության առաջացման հավանականությունը: 

 

Դրական արդյունք ստանալու համար, սակայն, խորհուրդ է տրվում նռան հյութն ընդունել կանոնավոր կերպով: Ի դեպ, նուռը պարունակում է նաև վիտամին C, կարոտին, վիտամիններ B1, B2,օրգանական թթուներ, ինչպես նաև պղինձ, մագնիում, երկաթ, կալիում, կրեմնիում և ֆոսֆոր:

 

Աղբյուրը`   Doctors.am