Անձխոտ

Հայտնի են մոտ 320 տեսակներ, տարածված հիմնականում հս. կիսագնդում: Հայաստանի տարածքում հանդիպում են  6 տեսակներ՝ Ա. ալպիլական (C. alpestris), Ա. նեղատերև (C. angustifolia), Ա. պարսկական (C. persica), Ա. Մարշալի (C. marshalliana), Ա. Նարինյանի (C. nariniana) և Ա. Էրդելի (C. Erdelii) անվանմամբ: Հանդիպում են Սյունիքի, Արագածոտնի, Կոտայքի մարզերում։ Աճում են անտառներում, մերձալպյան և ապլյան մարգագետիններում։

 

Փոքր բույսեր են, ցողունի բարձրությունը սովորաբար լինում է 5-30 սմ։ Տերևները կտրտված են, ցողունի վրա՝ 2-3 -ական։ Միջատներին գրավելու համար շահթառակի ծաղիկների ներքին տերևիկներն ավելի մուգ են, իսկ ծաղկաբույլը կարող է կազմված լինել մինչև 30 ծաղիկներից: Շնորհիվ ծաղկի անսովոր կառուցվածքի, ծաղկի վարսանդներն ու առէջը պաշտպանվում են անձրևներից: Ծաղկումը տևում է մինչև 10 օր: Պտուղը կարճ, պատիճանման, բազմասերմ տուփիկ է։