Ինչպես հանել նյարդային լարվածությունը

Նյարդային լարվածությունն այն խնդիրներից մեկն է, որն ամբողջ կյանքում ուղեկցում է մարդուն: Նյարդային լարվածության դեպքում նվազում է աշխատունակությունը, դրսևորվում է անտարբերության և անելանելիության զգացողություն, խանգարվում է քունը: Մարդը նյարդայնանում է ամեն մի մանրուքից և սկսում ամբողջ զայրույթը թափել շրջապատի վրա:

Մշտական լարվածության դեպքում իմունային համակարգը թուլանում է, ինչն էլ ճանապարհ է բացում վիրուսների համար: Տուժում է նաև սիրտ-անոթային համակարգը, որն էլ հանգեցնում է մշտական անհանգստության և անհարմարավետության:

Նման դեպքերում կարևոր է իմանալ, թե ինչպես արագ հանել նյարդային լարվածությունը, որպեսզի այն չվերածվի քրոնիկական հոգնածության, անտարբերության և հետագայում ծանր դեպրեսիայի: Նյարդային լարվածության դրսևորման առաջին նշաններն են՝

- ակտիվության նվազումը,

- քնի խանգարումը,

- օտարացումը,

- գրգռվածությունը:

Ստորև ներկայացնում ենք մի քանի խորհուրդներ, որոնք կօգնեն ձեզ շեղվել առկա խնդիրներից:

- զբաղվեք սպորտով

- շփվեք հաճելի մարդկանց հետ

- փորձեք շեղվել և չմտածել առկա խնդիրների մասին

- ինչ-որ համեղ ուտեստ փորձեք

- հանգստյան օրերին քաղաքից դուրս եկեք

- ժամանակ հատկացրեք սիրած զբաղմունքին

- շատ մրգեր ու բանջարեղեն օգտագործեք:

Հեղինակ` Ն.Ա.

Աղբյուր` Առողջապահության լրատու