Մազաթափությունը ցուրտ եղանակին

Մազաթափությունն արտասովոր երևույթ չէ։ Խնդիրը թափվող մազերի քանակն է: Օրական մինչև 150 մազը համարվում է բնական: Ձմռանը մազերը թուլանում են ու կարող են թափվել ավելի շատ:

Իսկ եթե խնդիրն իրոք լուրջ է, ապա պետք է հասկանալ պատճառները, որոնք կարող են լինել ինչպես արտաքին (սնկային հիվանդություն, պսորիազ, դերմատիտ), այնպես էլ ներքին` կապված որևէ օրգանի աշխատանքի խանգարման հետ:

Պատճառը պարզելու համար անհրաժեշտ է խորհրդակցել մաշկաբան-տրիխոլոգի հետ: Նա կարող է նշանակել ֆիզիոթերապիա, լազերային սանր կամ մեզոթերապիա:

Եթե պատճառը ներքին խանգարումն է, ապա հարկավոր է անցնել ամբողջական զննում, ստուգել վահանաձև գեղձի, մակերիկամների աշխատանքը, պարզել հորմոնային ֆոնը (իգական և արական սեռական հորմոնների քանակն օրգանիզմում):

Մազաթափությունը կարող է ուղղակիորեն կապված լինել նյարդային լարմանը: Ամեն դեպքում սկսեք մաշկաբան-տրիխոլոգին այցելելուց:

Հեղինակ` Լաուրա Գուրցկայա

Սկզբնաղբյուր` cosmo.am