6 միջոց դրսում չմրսելու համար

1. Տանից դուրս չգալ առանց սնվելու

Գիտնականներն ապացուցել են, որ սնունդը նպաստում է ձմռանը մինչև 75 տոկոս ավելի տաք զգալու դրսում: Քանի որ սնունդն էներգիա է, ուստի այդ էներգիան է նպաստում ցրտին դիմակայելուն: Ի դեպ, սնունդի տեսակը կապ չունի:

 

2. Խմել, սակայն միայն թեյ

Գոյություն ունի թյուր կարծիք, թե իբրև ալկոհոլը նպաստում է օրգանիզմի տաք մնալուն, և, եթե օրինակ՝ առավոտյան 50 գրամ ալկոհոլ խմես, օրվա ընթացքում ավելի տաք կզգաս քեզ:

 

Հերքելով այդ կարծրատիպը`   տեղեկացնում ենք, որ ալկոհոլը մեկ ժամ անց թուլացնում է օրգանիզմի դիմադրողականությունը և նպաստում ցրտի հանդեպ ավելի զգայուն լինելուն: Սուրճը նույնպես լուծում չէ: Պետք է խմել թեյ, մասնավորապես՝ իմբիրով կամ դարչինով:

 

3. Կառավարեք ձեր մտքերը

 

Հումորային հայտնի դրվագներից մեկում մի խումբ զբոսաշրջիկների ձնաբուքի ժամանակ ուղեկցորդը ստիպում է պատկերացնել, թե իբր նրանք անապատում են: Իրականում այս մեթոդը կիրառում են Տիբեթում և այն կոչվում է թումմո:

 

Տիբեթյան հոգեվորականները նստում են ձյան վրա և սկսում են պատկերացնել, որ իրենց մազերը կրակ են դառնում: Պետք չէ նման էքստրեմալ քայլերի դիմել, սակայն տանից դուրս գալուց առաջ կամ մրսելուն պես կառավարեք ձեր մտքերը և մտածեք միայն ջերմության ու տաքի մասին:

 

4. Մերսեք, որ չմրսեք

 

Բժշկությունը վաղուց ապացուցել է, որ վերջույթների մերսումը նպաստում է ցրտադիմացկունությանը, քանի որ արյան շրջանառությունն սկսում է ավելի լավ կատարվել: Այսպիսով, խորհուրդ ենք տալիս տանից դուրս գալուց 5 րոպե առաջ թեկուզև սովորական կրեմներով մերսել ձեռքերն ու ոտքերը:

 

5. Ճիշտ շնչելը նպաստում է տաքանալուն

 

Մեր թոքերի միջոցով մենք կարող ենք տաքանալ: Հայտնի բիոֆիզիկ Կարլ Տինչերը դեռ կես դար առաջ ապացուցեց, որ շնչառության միջոցով կառավարվում է մարմնի ջերմաստիճանը: Ձմռանը պետք է շնչել դանդաղ և ոչ շատ խորը, նույն դանդաղությամբ էլ արտաշնչել:

 

Իսկ եթե զգում եք, որ 5 րոպեից կսառցակալեք, ապա օգտագործեք արևելյան հայտնի մեթոդը`   շնչեք 2 քթանցքներով և արտաշնչեք միայն մեկով`   փակելով երկրորդը:

 

6. Հագուստի ճիշտ ընտրություն

 

Բնական կտորները նպաստում են ջերմությանը մի քանի անգամ ավելի շատ, քան արհեստականը: Բնական կտորները պահպանում են մարմնի ջերմաստիճանը և չեն թողնում, որպեսզի այն անցնի:

 

Եվ վերջում հիշեք, եթե չեք ուզում, որպեսզի ցրտից ձեր քթի ծայրը կարմրի, ապա տանից դուրս գալուց առաջ քսեք վազելին: