Սովորություններ, որոնք վտանգավոր են առողջության համար

Լվացվել առավոտյան և երեկոյան, իհարկե, անհրաժեշտ է, բայց առանց ֆանատիզմի: Իհարկե, կարիք չկա ոտքից գլուխ հակաբակտերիալ օճառով լվացվել առավոտյան և երեկոյան: Բժիշկ-մաշկաբաններն զգուշացնում են, որ չի կարելի հիվանդագին հետևել մաքրությանը: Դա հանգեցնում է բորբոքումների, մաշկի չորության: Տաք ջուրն օճառի հետ միասին հանում է բնական ճարպաշերտը, որով ծածկված է առողջ մաշկը: Կարելի է, օրինակ, երբեմն էլ սառը ջրով լվացվել և առանց օճառի:

 

Տանը չափազանց մաքրությունը վնասակար է, հատկապես՝ երեխաների համար: Ստերիլիզացված միջավայրը, որով միշտ փորձում են շրջապատել իրենց երեխաներին հոգատար մայրիկները, վնասում է օրգանիզմի իմունային համակարգին: Որպես կանոն՝ մեծանում է ասթմայով հիվանդանալու հավանականությունը: Օրգանիզմի իմունային համակարգը պետք է անընդհատ պայքարի մեջ լինի:

 

Մեծահասակների հետճաշյա քունն ավելի լավ է փոխարինել զբոսանքով:  Ուտելուց հետո, հատկապես եթե մենք չենք շտապում, միշտ ուզում ենք մի փոքր ննջել:  Բայց հիշեք, որ հենց պառկեք, կալորիաները դառնալու են ճարպաշերտ: Ուտելուց հետո քունը կարող է հանգեցնել նաև 2-րդ աստիճանի շաքարախտի: Ցերեկային քունը փոխում է հորմոններից մի քանիսի ակտիվությունը, ինչն էլ մեծացնում է այս հիվանդության առաջացման հավանականությունը:

 

Ճիշտ շնչեք: Բոլորս էլ լսել ենք այն մասին, որ պետք է ամբողջ կրծքավանդակով շնչել: Սակայն շատ գիտնականներ խորհուրդ են տալիս շնչել որովայնով: Կրծքավանդակով շնչառությունը պահեստային է. այն պետք է օգտագործել միայն այն դեպքում, երբ հնարավոր չէ որովայնով շնչել: Հարկավոր է հստակ ռիթմով շնչել`   12-20 շունչ րոպեում: Շատ կարևոր է նաև շնչելու և արտաշնչելու արանքում փոքրիկ դադար տալ: