Ի՞նչ չի կարելի անել այրվածքների դեպքում

Հիշեք, որ սխալ ցուցաբերած օգնությունը հաճախ հանգեցնում է բարդությունների և լրացուցիչ տառապանքների պատճառ դառնում:

• Երբեք մի´ փորձեք այրվածքի վրա քսել ձեթ, յուղ, կարագ կամ նման այլ միջոցներ: Պատելով այրվածքային մակերեսը՝ դրանք խանգարում են ջերմատվությանը, փոխում այրվածքի տեսքը, դժվարացնում ախտորոշումն ու բուժումը, խորացնում ծանրության աստիճանը: Բացի այդ, դրանք կարող են վարակի աղբյուր դառնալ:
   
• Այրվածքի վրա մի´ քսեք ձվի դեղնուց, կենդանական ծագման ճարպեր, կաթնամթերք (մածուն, թթվասեր):
   
• Այրվածքի վրա մի´ լցրեք սպիրտ, օղի, այրվածքային մակերեսը մի´ մշակեք յոդով կամ սպիրտ պարունակող այլ հեղուկներով:
   
• Մի´ պոկեք մարմնին կպած հագուստը, որպեսզի մաշկը լրացուցիչ չվնասեք:
   
• Մի´ բացեք և մի´ վնասեք բշտիկները, այլապես էապես կմեծանա վարակի ներթափանցման վտանգը:
   
• Այրվածքը մշակելու ժամանակ մի՛ շնչեք այրվածքի վրա:
   
• Մի՛ դիպեք այրվածքին:
   
• Ջրով մի՛ սառեցրեք խորը թափանցող կամ էլեկտրական այրվածքները: