Ինչպես պաշտպանել սիրտը շոգից

Շոգին մեր անոթներն ընդլայնվում են, ինչի պատճառով ճնշումն ընկնում է և սիրտն ստիպված է լինում ավելի ծանր աշխատել, որպեսզի հասցնի օրգաններին արյուն և թթվածին մատակարարել: 

 

Եթե սիրտը հիվանդ է, ապա այդ ծանրաբեռնվածությունը կարող է նրան լուրջ վնաս հասցնել և մի շարք բարդացումներ առաջացնել, նույնիսկ`   մահացու: Ներկայացնում ենք մի քանի խորհուրդ, թե ինչպես կարող եք պաշտպանել սիրտը շոգից:

 

Նախ և առաջ խորհուրդ է տրվում խուսափել շոգից և ջանալ առանց անհրաժեշտության ցերեկը տնից դուրս չգալ, հատկապես՝ ժամը 12-ից 17-ին, երբ արևն ամենից ավելի վառ է լուսավորում:

 

Եթե, այնուամենայնիվ, անհրաժեշտ է ինչ-որ տեղ գնալ, ապա ցանկալի է ազատ հագուստ կրել և գլուխը լայնեզր գլխարկով ծածկել: Եթե հակացուցումներ չկան, ապա ցանկալի է շատ ջուր խմել՝ օրական 2-2.5լ, իսկ սննդակարգում ներառել մրգեր և բանջարեղեն:

 

Ֆիզիկական ծանրաբեռնվածության ինտենսիվությունն ավելի լավ է նվազեցնել, բայց չպետք է ամբողջությամբ հրաժարվել դրանից: Խորհուրդ է տրվում գիշերն օդորակիչ չմիացնել և փոխարենը բացել պատուհաններն ու դռները:

 

Աղբյուրը՝ Med.news.am