Շանթարգել

Շանթարգելը բաղկացած է 3 մասից՝ մետաղական ձող, հողակցված մաս և դրանք իրար կապող լար՝ հաղորդիչ: Շանթարգելն իր վրա է վերցնում կայծակի հիմնական հարվածները, քանի որ կայծակը սովորաբար հարվածում է այն ամենին, ինչն ամենաբարձրն է և լավ հաղորդակցված:

 

Այս գաղափարը ծագել է մեզնից հազարավոր տարիներ առաջ դեռևս հին հույների մոտ, որոնք որպես շանթարգել օգտագործում էին ոսկեզօծ սյուներ՝ հողակցելով ոսկեզօծ ձողերով: 1780 թվականին առաջին անգամ իր տան տանիքին շանթարգել է տեղադրել Ֆրանսիայի Սենտ Օնորե փոքրիկ քաղաքի բնակիչներից մեկը: 

 

Ցանկալի է, որպեսզի ապահովության համար հաղորդակցվեն նաև վառարանների մետաղյա ծխնելույզները, հեռուստացույցի՝ տանիքին տեղադրվող ալեհավաքները, անձրևաջրերի ջրհորդան խողովակները, տանիք տանող մետաղյա աստիճանները:

 

Ամպրոպի ժամանակ քաղաքում գտնվելն առավել անվտանգ է, քանի որ բարձրահարկ շենքերը և մետաղյա կառուցվածքները շանթարգելի դեր են կատարում:

 

Աղբյուրը՝ «Արտակարգ ալիք» լրատվական կենտրոն