Կանցկացվի «Էպոսյան օրեր» հանրապետական փառատոնը

Էպոսասացության մրցույթի եզրափակիչ փուլը կկայանա ս.թ. օգոստոսի 4-5-ը ՀՀ Գեղարքունիքի մարզի Գավառ քաղաքի մշակույթի տանը, իսկ շարադրությունների մրցույթը ս.թ. սեպտեմբերի 21-ին Աշտարակ քաղաքի Ն. Աշտարակեցու անվան դպրոցում:

 

Հաշվի առնելով, որ այս տարի լրանում է Հայաստանի Հանրապետության անկախության հռչակման 25-ամյակը, գիտաժողովը կանցկացվիվի «Հայ ժողովրդական էպոսը և նրա ազդեցությունը անկախության կերտման և նոր հասարակության ձևավորման գործում» խորագրի ներքո:

 

Փառատոնի ծրագրի մաս կկազմեն նաև «Սասունցի Դավիթ էպոսի ոգեղենությունը հայոց բանակում» թեմայով դասախոսությունները, որոնք կանցկացվեն ՀՀ Տավուշի և Սյունիքի մարզերի սահմանամերձ զորամասերում ճանաչված բանագետների և ազգագրագետների մասնակցությամբ:

 

Փառատոնի եզրափակիչ միջոցառումը կկայանա 2016 թվականի հոկտեմբերի 2-ին ՀՀ Արագածոտնի մարզի Ուջան համայնքում: «Էպոսյան օրեր» ամենամյա փառատոնը միտված է հայկական բանահյուսական ժառանգության հանրահռչակմանը, մատաղ սերնդի ազգային ոգով դաստիարակությանն ու  հայրենասիրական կրթությանը:

 

Աղբյուրը՝ Mincult.am

Նկարը՝ Armcamping.com