Հայտնի են Հայաստանը ներկայացնող ըմբշամարտիկների անունները

«Այս տարվա Եվրոպայի առաջնությանը, ինչպես եղել է վերջին տարիներին, կմասնակցենք ամբողջական կազմով, սակայն որոշ փոփոխություններով: Մասնավորապես՝ առաջին անգամ աշխարհամասի գլխավոր ստուգատեսում Հայաստանը 66 կգ քաշային կարգում կներկայացնի  Միհրան Հարությունյանը:

 

Եվրոպայի առաջնությունում իրենց նորամուտը կնշեն նաև աշխարհի չեմպիոններ Կարապետ Չալյանը (75 կգ), Ռաֆիկ Մանուկյանը (80 կգ) և աշխարհի երիտասարդական առաջնության բրոնզե մեդալակիր, գերծանր քաշային Էդգար Խաչատրյանը:

 

Արսեն Ջուլֆալակյանը Եվրոպայի առաջնությանը չի մասնակցի, քանի որ նպատակաուղված պատրաստվում է օլիմպիական վարկանիշային մրցաշարերին»,-նշել է հունահռոմեական ըմբշամարտի Հայաստանի հավաքականի գլխավոր մարզիչ Լևոն Ջուլֆալակյան:

 

Աղբյուրը՝ A1plus.am