Աշակերտների հաճախելիությունը գոհացուցիչ է

«Սովորական օրերին մենք ունենում էինք 85-90 տոկոս հաճախելիության ցուցանիշ: Իհարկե, դեռ կա հիվանդության խնդիր, և ծնողները որոշ մտահոգություն ունեն, չեն ուղարկում երեխաներին դպրոց:

 

Բայց այս հաճախումների ցուցանիշն ինձ բավարարում է, որպեսզի դպրոցները վերսկսեին իրենց աշխատանքները: Մարտահրավերը գոյություն ունի, և պետք է դա հաղթահարենք մինչև մայիսի վերջ: Վերջին զանգի ժամկետը Հայաստանում չի փոխվելու», -հավելել է Աշոտյանը:

 

Նա տեղեկացրել է նաև, որ դպրոցները հետևել են իր հանձնարարականին և մինչև դասերն սկսելը ջեռուցել են դպրոցների շենքերը: Այդուհանդերձ, նախարարն էլ խոստովանում է, որ Արարատի ու Շիրակի մարզերում դեռևս կան դպրոցներ, որոնք չեն ջեռուցվում, չեն բացվել, հետևաբար  հետ են ընկել ընդհանուր ուսումնական գործընթացից:

 

Աղբյուրը՝ Panorama.am