Համագործակցության շրջանակն ընդլայնվում է

Այդ կապակցությամբ ռուսական բուհի պատվիրակությունը ռեկտորի ժամանակավոր պաշտոնակատար Ալեքսեյ Զիմինի գլխավորությամբ եռօրյա այցով Երևան է ժամանել: 

 

Պատվիրակության կազմում են նաև բուհի միջազգային համագործակցության բաժնի ղեկավար Օլեգ Սուլիցան և Ռուսաստանի հայերի միության Ռյազանի տարածաշրջանային բաժնի ղեկավար Արամ Ղազարյանը: 

 

Նրանց այցը ԵՊՀ սկսվել է Հայագիտական հետազոտությունների ինստիտուտից: Այնուհետև նրանք հյուրընկալվել են ԵՊՀ ռեկտորի ժամանակավոր պաշտոնակատար Արամ Սիմոնյանի աշխատասենյակում:

 

Արամ Սիմոնյանը նախ ներկայացրել է համալսարանի պատմությունը, կառուցվածքը, մանրամասն պատմել մի շարք ստորաբաժանումների ու կատարած աշխատանքների մասին, անդրադարձել նաև արդիական որոշ խնդիրների: 

 

Այնուհետև պարոն Զիմինը շնորհակալություն է հայտնել բարձր մակարդակով ընդունելության համար, խոսել իր բուհի մասին, որն այս տարի նշում է հիմնադրման 100-ամյակը՝ «Այսօր մեր համալսարանում փոփոխությունների ժամանակաշրջան է: 

 

Նշում ենք 100-ամյակը, սակայն ոչ թե ուզում ենք պարզապես ամփոփել արածը, այլ նոր քայլեր նախանշել»: Ռուսական բուհի ղեկավարն ընդգծել է, որ իրենք ցանկություն են հայտնել համագործակցել ԵՊՀ-ի հետ, քանի որ իրենց որդեգրած քաղաքականությունն է այդպես հուշում

 

Գիտությունը զարգացնելու համար նրանք որոշել են կապեր հաստատել Գերմանիայի, Ճապոնիայի, Չինաստանի և Հայաստանի գիտակրթական հաստատությունների հետ:

 

Աղբյուրը՝ Ysu.am