Հայագիտական կենտրոնների զարգացումն ուշադրության կենտրոնում

 

Այս համատեքստում հանդիպման մասնակիցները անդրադարձել են Ռումինիայում պահպանվող հայկական մշակութային ժառանգությանը՝ մասնավորապես ընդգծելով Տրանսիլվանիայի հայկական պահոցների ուսումնասիրության կարևորությունը: 

 

Շեշտվել է, որ Հայագիտության ինստիտուտը գտնվում է պատմական Տրանսիլվանիայի տարածքում, որտեղ միջնադարում գործել է մեծ հայկական համայնք, որի գործունեությունից էլ սերունդներին ժառանգվել է պատմական, գրական և մշակութային բազմալեզու արժեքավոր ժառանգություն, որն այսօր սպասում է գիտական հետազոտության: 

 

ՀՀ ԿԳ նախարարը շեշտել է, որ արտերկրում գործող հայագիտական կենտրոնների զարգացումը Հայաստանի Հանրապետության համար առաջնային ուղղություն է: Հանդիպման ընթացքում քննարկվել են նաև Ռումինիայի բարձրագույն ուսումնական հասատատություններում հայագիտության տարածմանը և զարգացմանն առնչվող այլ հարցեր:

 

Աղբյուրը՝ Edu.am